deesa pataniలోఫర్‌ బ్యూటీ దిశా పటానీకి ఫిట్నెస్‌ అంటే మహా మక్కువ. అసలు తన పేరు దిశా పటానీ కాదని.. దిశా పాట్నీ అని రీసెంట్‌ గా చెప్పిందీ భామ. అయితే.. జనాలు, విూడియా అంతా పటానీ అని పిలవడం మొదలుపెట్టడంతో అలాగే సరిపెట్టేసుకుంటున్నానని.. అయినా గుర్తింపు తనకు రావాలి కానీ.. పేరుకు కాదని ఓ టైపు వేదాంతం కూడా చెప్పింది. సోషల్‌ విూడియాలో తను కూడా పటానీ అనే రాసుకుంటోంది. ఫిట్నెస్‌ కి మహా ఇంపార్టెన్స్‌ ఇచ్చే దిశా పటానీ.. ఇప్పుడు ఎఫ్‌ హెచ్‌ఎం మేగజైన్‌ ఎడిషన్‌ కవర్‌ పేజ్‌ పై ఎక్కేసింది. అల్టిమేట్‌ ఫిట్నెస్‌ స్పెషల్‌ అంటూ రూపొందించిన ఈ ఎడిషన్‌ లో అందాల భామల ఫిట్నెస్‌ ని మెయిన్‌ థీమ్‌ గా తీసుకున్నారు. కవర్‌ పేజ్‌ పై కనిపించిన దిశ ఫోటో చూస్తే.. ఈమె ఏ రేంజ్‌ లో బాడీని మెయింటెయిన్‌ చేస్తుందో అర్ధమవుతుంది. నాభి షోకులను ప్రదర్శించడం పక్కన పెడితే.. నడుం కొలతలను కరెక్టుగా మెయింటెయిన్‌ చేస్తూ.. బాడీ మెలికలు తిప్పేయగల ట్యాలెంట్‌ ఈమె సొంతం. అందాలన్నీ ప్యాక్‌ చేసినట్లుగా ఉండే దిశా పటానీ.. ఆ మధ్య కొన్ని ప్యాకులు కూడా చూపించింది కానీ.. ఇప్పుడు కాసింత మారిందిలే. 

cnrఅలసిసొలసిన ఓ మధురగీతం ఆదమరచి నిదురపోయిన వేళ.. చీకటిమాటున ఏదో సవ్వడి. ఏమిటా అని చూస్తే...తలవాకిట వద్ద తచ్చాడుతున్న మృత్యువు. సాక్షాత్తూ మృత్యువే వచ్చి ఎదురుగా నిలబడడంతో కవిహృదయం స్పందించిది. 'ఓహ్‌ నువ్వా!.. రావమ్మా రా'!.. అంటూ చిరునవ్వుతోనే సాదరంగా లోపలికి ఆహ్వానించింది. అంతేకాదు, మృత్యువుకు పాలుపట్టి ప్రేమగా జోల కూడా పాడింది. చిత్రం!.. మృత్యువు కరకు రాతిగుండె కరిగి కరిగి కన్నీటి కాలువైంది. ఆ కవిహృదయమే...ఏడవకుమని మృత్యువును ఊరడించింది. మృత్యువు తెచ్చిన పూలపల్లకీని సగర్వంగా ఎక్కి గగనవీధుల వెంట గంభీరంగా కదిలి పోయింది. అయినా!.. కాలానికి కనికరం లేదు..కలాన్ని కూడా పట్టుకుపోయింది. తెల్లవారేసరికి ఆ మధురగీతమే..ఆ ఇంటి వాకిట్లో వాలిన పత్రికలో పతాకశీర్షికగా మెరిసింది. తెలుగు పదాలకు పట్టాభిషేకం చేసిన ముద్దుబిడ్డ సినారె.. ఇక లేరనే బాధతో తెలుగుతల్లి తల్లడిల్లింది. ఈ శోకం..ఈ విషాదగీతంతో చెమ్మగిల్లిన తెలుగుజాతి... సినారెని ఆప్యాయంగా తన గుండెల్లో నిలుపుకుంది.

పాటకు పల్లవి ప్రాణమైతే..పల్లవికి గీతమే ప్రాణం. ప్రతి అక్షరంలోనూ, ప్రతి పదంలోనూ ఎనలేని మాధుర్యాన్ని నింపి..గీతాన్ని మనోహర సంగీతంలా ఇంపుగా.. వినసొంపుగా రచించగలిగే విశిష్ట కవితారీతి ఆయన సొంతం. ఆయన మరెవరో కాదు...డా. సి.నారాయణరెడ్డి. ఆయనకు సాహిత్యమంటే ప్రాణం. కవిత్వమంటే మరెంతో ఇష్టం. అందుకే, 'కవిత నా శ్వాస..కవిత్వం నా మాతృభాష'..అని ఎంతో ధీమాగా ప్రకటించుకున్న ధీరగంభీర కవి ఆయన. తెలుగు కవిత్వానికి ఆయనో కొత్త ఒరవడిని దిద్దారు. తెలుగుపాటకు సరికొత్త నడకలు నేర్పారు. తెలుగు భాషకు పట్టం కట్టి..తెలుగు పాటకు పట్టాభిషేకం చేసిన తెలుగు వెలుగుల కీర్తిమూర్తి, కవితా వైతాళికుడు..సాహితీ తపస్వి..అక్షరయోధుడు డా. సి.నారాయణరెడ్డి. కవిగా, అధ్యాపకునిగా, వక్తగా, సాహితీవేత్తగా, సినీ గీత రచయితగా, సారస్వతలోకంలో అత్యున్నతమైన జ్ఞానపీఠ్‌ అవార్డు గ్రహీతగా ఎంతో ప్రజ్ఞాపాటవాలతో ఆయన ఎన్నో సమున్నత శిఖరాలనందుకున్నారు. తెలుగు సాహిత్యలోకానికి రారాజుగా వెలుగొందారు. అంతేకాదు, రాజ్యసభసభ్యునిగానూ బాధ్యతలు స్వీకరించి ప్రజా సేవలోనూ తరించారు. ఆ కవిరాజు ఇక లేరు. ఈ నెల 12వ తేదీ ఉదయం 6గంటలకు హైదరాబాద్‌లోని తన స్వగృహంలో కనుమూసారు.

చిన్నతనం నుంచీ సాహిత్యంపైనే ఆసక్తి :

1931 జులైన 29న కరీంనగర్‌జిల్లా సిరిసిల్ల తాలూకాలోని హన్మాజీపేట అనే కుగ్రామంలో డా.సినారె జన్మించారు. తల్లిదండ్రులు బుచ్చమ్మ-మల్లారెడ్డిగార్లు. సినారె పూర్తిపేరు సింగిరెడ్డి నారాయణరెడ్డి. వీరిది రైతు కుటుంబం. ఆయితే ఆయనకు వ్యవసాయంపై కాక, సాహితీసేద్యంపైనే మక్కువ ఎక్కువ. ఆ ఆసక్తితోనే సినారె సాహితీరంగంలోకి వచ్చారు. చిన్నతనం నుంచీ పద్యాలు గాయాలు రాస్తూ సాహిత్యాభిలాషని పెంపొందించుకున్నారు. సినీరంగంలోకి వచ్చాక సిరా ఇంకిపోయే దాకా..ప్రజల హృదయాల్లో ఇంకిపోయే పాటలెన్నో రాశారు. చదువుకునే రోజుల్లోనే భాషపై పట్టు సాధించారు. ఉన్నత చదువులు చదువుకుని ఎం.ఏ పూర్తి చేసి అధ్యాపకవృత్తిలో ప్రవేశించారు. 1958-59లో నిజాం కళాశాలలో ఉపన్యాస కులుగా పనిచేశారు. 'ఆధునికాంధ్ర కవిత్వం- సంప్రదాయాలు, ప్రయోగాలు' అనే అంశంపై పరిశోధన చేసి 1962లో పిహెచ్‌డి పట్టా పొందారు. 1963లో ఉస్మానియా విశ్వవిద్యాలయం తెలుగుశాఖ రీడర్‌గా చేరారు. 1976లో ఆచార్యునిగా పదోన్నతి పొందారు. 1981 వరకూ అదే పదవిలో కొనసాగారు. ఆయన రచించిన కర్పూరవసంతరాయలు, నాగార్జునసాగరం, మంటలూ-మానవుడు వంటి రచనలు ఆణిముత్యాలుగా భాసించాయి. ఆయన సుమారు 90కి పైగానే గ్రంథాలు రాశారంటే ఆయన సాహితీప్రజ్ఞ ఎంత ఘనమైనదో ఊహించు కోవచ్చు. దాదాపు డెభ్యై ఏళ్ళకు పైగానే కవితాప్రస్థానం ఆయనది. విశేషించి 'విశ్వంభర' కావ్యం విఖ్యాతమైన 'జ్ఞానపీఠ పురస్కారం' అందుకోవడం ఆయనకే కాదు..తెలుగుజాతికీ, తెలుగుభాషకు ఎనలేని గౌరవం. సాహిత్యానికి ఆయన చేసిన సేవలను గుర్తించి కేంద్రప్రభుత్వం 1977లో ప్రతిష్టాత్మకమైన పద్మశ్రీ పురస్కారాన్ని, 1992లో విశిష్టమైన పద్మభూషణ్‌ పురస్కారాలతో గౌరవించి ఘనంగా సత్కరించింది. అంతటి సాహితీయోధుడు.. మానవతా వాది తెలుగునేలపై పుట్టడం తెలుగుజాతికే గర్వకారణం. విఖ్యాతకవిగా, కవి దిగ్గజంగా..ఆధునిక కవి సార్వభౌముడుగా, సాహితీ రారాజుగా తెలుగు భాషకు ఎనలేని సేవలందించిన ఆ సాహితీయోధుడు..మన పాటల రేడు..సినారె అస్తమయం తెలుగుజాతికి తీరని లోటు. ఆ లోటు మరెవరూ తీర్చలేనిది. ఒక్కమాటలో చెప్పాలంటే, తెలుగు సాహితీలోకాన ఆయనో మహోన్నతమైన హిమాలయశిఖరం. ఆయన మరణంతో తెలుగు సాహిత్య చరిత్రలో ఒక శకం ముగిసినట్లే. ఆయన భౌతికంగా మన మధ్య లేకపోయినా, ఆయన పాటలు, కవితలు మన హృదయాల్లో చిరస్థాయిగా నిలిచేవుంటాయి. తెలుగు సాహితీ క్షేత్రంలో ఆయనో ప్రత్యేక గ్రంధం..ఆయన కవిత్వం ఏనాటికీ ఇగిరిపోని గంధం. ప్రత్యేకించి 'లాయర్‌' కుటుంబంతో డా.సినారెకి ఎంతో కాలం నుంచి మంచి అనుబంధం ఉంది.

ఏదేమైనా సినారె ఇక లేరనుకోవడాన్ని జీర్ణించుకోలేం. సినారె మరణానికి తీవ్ర సంతాపం తెలియజేస్తూ...ఆ మహనీయ సారస్వతమూర్తికి...తెలుగుజాతి సమున్నత కీర్తికి... మహోన్నత మానవతామూర్తికి... కవితాదీప్తికి..అశ్రునయనాలతో.... 'లాయర్‌' నివాళి!..

పాటల రేడుగా... సాహితీ రారాజుగా...

సినీ గీతరచయితగా ఆయన అత్యద్భుతమైన ప్రతిభా పాటవాలతో రాణించారు. ఆయన పాటలెన్నో సూపర్‌హిట్‌ సాంగ్స్‌గా ప్రజల ప్రశంసలందుకున్నాయి. ఆయన రాసే పాటల్లో సహజత్వం, సామాజిక చైతన్యం మిళితమై వుంటాయి. అందుకే ఆయన ఏ రచన చేసినా, గీతం రాసినా అది ప్రజల మనసుల్లో హత్తుకుపోతుంటుంది. నటరత్న డా.ఎన్టీఆర్‌ దర్శకత్వంలోని 'గులేబకావళి కథ' చిత్రంలో 'నన్ను దోచుకుందు వటే వన్నెల దొరసాని'..అనే పాటతో తెలుగు సినీలోకంలో పాటల ప్రస్థానం ప్రారంభించి, వేలాది పాటలతో అశేష తెలుగు ప్రజానీకాన్ని మైమరపించి ప్రఖ్యాత గీత రచయితగా సినారె విఖ్యాతి చెందారు. ఆయన రచించిన ప్రేమగీతాలు, యుగళ గీతాలు..ఎన్నెన్నో పాటలు ప్రజలను ఉర్రూతలూగించాయి.ఆయనెన్నో స్ఫూర్తిదాయకమైన గీతాలను రచించి ప్రజల మనసులను ఇట్టే ఆకట్టుకున్నారు. 'చరణ కింకిణులు ఘల్లుఘల్లుమన..కరకంకణములు గలగల లాడగ..వినీలకచభర విలాసబంధుర తనూలతిక చంచలించిపోగా..ఆడవే మయూరీ!..నటనమాడవే మయూరీ'..వంటి సంస్కృత పదభూయిష్టమైన పాటలను సైతం ఎంతో హృద్యంగా..రసరమ్యంగా రచించి శ్రోతలను ఆకట్టుకున్నారు. పాటలతోనే పాటలకో లోకం సృష్టించారు. ఆ లోకంలో..ఆ గీతాల్లో పడి మైమరచిపోని వారుండరు. అంతేకాదు, పగలే వెన్నెల సృష్టించి, జగాన్నే ఊయలలూగించిన మధుర కవి డా. సి.నారాయణరెడ్డిగారు. ఆయన ఏ పాట రాసినా ఏపాటకాపాటే మధురం..ఆపాతమధురం. విశిష్టమైన, విలక్షణమైన సాహితీ రచనల సృష్టిలోనూ ఆయన ఉద్దండులనిపించుకున్నారు. ఎందరో కవిపండితుల మధ్య తనే కవి దిగ్గజమనిపించుకున్నాడు. ఎంతో ప్రఖ్యాతమైన 'జ్ణానపీఠ్‌' అవార్డును సైతం సాధించి తెలుగుభాషకు ఎనలేని గుర్తింపును గౌరవాన్నీ తెచ్చిరు. అంతెందుకు, ఆయనలా తెలుగుభాషా వికాసం కోసం జీవితమంతా పరితపించిన కవి తెలుగుగడ్డపై మరొకరు లేరంటే అతిశయోక్తేమీ కాదు.

కుటుంబంతో సినారెకు చిరకాల అనుబంధం

cnr lawyer'లాయర్‌' కుటుంబంతో డా|| సి.నారాయణరెడ్డి గారికి చిరకాల అనుబంధం ఉంది. దాదాపు 60యేళ్ళ నాటి ఆ బంధంతోనే ఆయన పలుసార్లు సూచనలు, సలహాలు ఇచ్చి 'లాయర్‌'ను ఆశీర్వదించేవారు. 'లాయర్‌' పత్రిక వ్యవస్థాపకులు కీ||శే|| తుంగా రాజగోపాలరెడ్డి గారు సినీరంగంలో వున్నప్పటి నుండే డా|| నారాయణరెడ్డి గారితో స్నేహ బాంధవ్యాలు ముడిపడ్డాయి. 'లాయర్‌' పత్రిక స్థాపించిన తరువాత కూడా నారాయణరెడ్డి గారితో తరచూ సంప్రదిస్తూ సలహాలూ సూచనలూ తీసుకునేవారు. 1995లో రాజగోపాలరెడ్డి పరమపదించిన అనంతరం 'లాయర్‌' పత్రిక ప్రస్తుత నిర్వాహకుడు శివప్రభాత్‌రెడ్డితో పాటు అప్పటి అసోసియేట్‌ ఎడిటర్‌ సత్యవేటి శ్రీకాంత్‌ కూడా పలుమార్లు సినారెతో ఫోన్‌ ద్వారా సంప్రదింపులు జరిపి ఆయన మార్గదర్శకంలో పలు వ్యాసాలను 'లాయర్‌'లో ప్రచురింపజేసారు.

1998 నవంబర్‌ 8న జరిగిన 3వ తుంగా పండుగలో సినీరంగం నుండి నటశేఖర కృష్ణ, రాజకీయ రంగం నుండి జె.కె.రెడ్డి, సాహిత్య రంగం నుండి సి.నారాయణరెడ్డి గారలు తుంగా అవార్డులు అందుకున్నారు. ఈ సందర్భంగా జరిగిన సభలో అప్పటికే పరమపదించిన సత్యవేటి శ్రీకాంత్‌ కుటుంబానికి 'లాయర్‌' పత్రిక పక్షాన 75వేల రూపాయల ఆర్ధిక సహాయాన్ని సత్యవేటి శ్రీమతికి అందజేయడంతో పాటు, తుంగా రాజగోపాలరెడ్డి గారి తోనూ, తదనంతరం సత్యవేటి, శివప్రభాత్‌రెడ్డిలతో తనకున్న సాన్ని

హిత్యాన్ని సభకు తెలియజేసారు డా|| సి.నారాయణరెడ్డి గారు. ఆయన లేని లోటు 'లాయర్‌'కి సైతం తీర్చలేనిది. 'లాయర్‌' అభివృద్ధికి ఎన్నో పర్యాయాలు ఆశీస్సులందించిన ఆ మహామనీషికి, సాహితీయోధునికి నివాళులర్పిస్తోంది 'లాయర్‌'.

dasariసినీరంగంలోని వారి జీవితం..ఓ 'అద్దాలమేడ' వంటిది. నిజంగా అదొక అద్భుత మాయా ప్రపంచం. స్వర్గం-నరకం' రెండూ ఇక్కడనే ఉన్నట్లుంటాయి. 'ఎవరికి వారే యమనా తీరే'..అన్నట్లుగా ఇక్కడ ఎవరి ప్రపంచం వారిది. ఎవరి ప్రతిభ వారిది. అయినప్పటికీ 'నేనే రాజు-నేనే మంత్రి' అన్నట్లుగా సినీలోకంలో రాణించారు. తన సినిమాలకు తానే మేస్త్రీ అయ్యారు. ఎంతో కృషితో..బహుముఖ ప్రజ్ఞాపాటవాలతో ఎదిగారు. 'తాత మనవడు' ఆత్మీయతలెలా వుంటాయో ప్రేక్షకుల కళ్ళకు కట్టినట్లు చూపారు. తన సినిమాల్లో సామాజిక సందేశాలకు ప్రాధాన్యతనిస్తూ 'జస్టిస్‌ చక్రవర్తి'గా నిలిచారు. 'జగన్నాధ రథ చక్రాలు'ను కదిలించారు. అక్రమాలను 'బొబ్బిలిపులి'లా ఎదిరించారు. అందరికీ ప్రేమాస్పదమైన 'మేఘ సందేశం' వినిపించారు. ప్రేమకథా చిత్రాలకు ఊపిరిపోసి అద్భుతమైన 'ప్రేమమందిరం' నిర్మించారు. ప్రేమకు ప్రేమతో 'ప్రేమాభిషేకం' చేశారు. అయినా...'జీవితమే ఒక నాటకం'. అలుపూ సొలుపూ లేకుండా చేసిన జీవితప్రయాణం..చివరికి దిగంతాలతో ముగుస్తుంది. చివరి మజిలీ దగ్గరకాగానే....తెరచాప అటే కదిలిపోతుంది. 'బహుదూరపు బాటసారి'...మెల్లిగా కదిలిపోతున్న జాడ కనిపిస్తుంది. అది కన్నీటి కాలువలో కదులుతున్న 'నీడ'లా అనిపిస్తుంది. ఆ నీటిబొట్టే..మనందరి కనుకొలుకుల్లోనూ నిలిచి..కన్నీటిమేఘమై వర్షిస్తుంది.... దర్శకరత్న దాసరికి కన్నీటి నివాళి.

పుట్టుక సహజం..మరణం కూడా అంతే. అయితే, పుట్టి-గిట్టేలోగా ఆ మనిషి తన జీవనయానంలో ఎలాంటి మహత్కార్యాలు సాధించాడన్నదే ముఖ్యం. అందులోనూ అత్యంత పేదరికంలో జన్మించి, కష్టాలతోనే జీవించినా..పట్టుదలతో, స్వయంకృషితో ఎదిగి..అత్యద్భుతమైన ప్రజ్ఞతో రాణించి, 'తెలుగు సినిమా(యా) లోకం'లో అసామాన్యమైన ఖ్యాతిని ఆర్జించడమంటే మాటలు కాదు. అంతటి అసాధారణ ప్రతిభా పాటవాలు ఆయన సొంతం. అందుకే ఆయన సినీలోకానికి దర్శకుడు కాగలిగాడు. ఎంతోమంది జీవితాలకు మార్గదర్శకుడు కాగలిగాడు. దర్శకులందరూ గర్వించేవిధంగా 'దర్శకరత్న' కూడా కాగలిగాడు. ఆయనే మన దర్శకరత్న దాసరి నారాయణరావు. తెలుగు చిత్రపరిశ్రమకు ఆయన మణిమకుటం వంటివారు. ఆయన ఆట..పాటా..మాట..బాటా అన్నీ విశిష్టమైనవే..విలక్షణమైనవే. ఏదీ మనసులో దాచుకోని తత్వం...ముక్కుసూటిగా మాట్లాడే మనస్తత్వం ఆయనవి. మంచితనం, మానవత్వం మూర్తీభవించిన మహనీయమూర్తి ఆయన. అంతేకాదు, అన్యాయాన్ని ఎదిరించాలనే సాహసికుడు..సామాజిక ఉద్యమకారుడు కూడా. నీతి, నిజాయితీ.. నిష్కల్మషత్వం..నిర్భీతి ఆయన సుగుణాలు. ఎంతటి కష్టాన్నయినా సరే.. అధిగమించి జీవితపథంలో అత్యద్భుతాలు సాధించాలన్నదే ఆయన నైజం. కథా రచయితగా, పాటలు-మాటల రచయితగా, నటునిగా, దర్శకునిగా రాణించి.. తన ప్రతిభను చాటుకున్నారు. 151 చిత్రాలకు దర్శకునిగా దర్శకరత్న దాసరి వెండితెరకు బంగరు మెరుగులు దిద్దారు. నిర్మాతగా ఆయన ఎన్నో మంచి చిత్రాలను నిర్మించారు. మరో 250 సినిమాలకు రైటర్‌గా పనిచేశారు. తెలుగు సినీపరిశ్రమకు ఆయన చేస్తున్న సేవలకు గుర్తింపుగా ఎంతో ప్రతిష్టాత్మకమైన 'పద్మశ్రీ' పురస్కారం కూడా లభించింది. అదేవిధంగా కళామతల్లి ముద్దుబిడ్డగా ప్రఖ్యాతి చెంది విశిష్టమైన 'కళాప్రపూర్ణ' అవార్డును సాధించుకున్నారు. రెండు జాతీయ చలనచిత్ర పురస్కారాలు, 9సార్లు నంది అవార్డులను ఆయన అందుకున్నారు. రాష్ట్రప్రభుత్వం నుంచి రఘుపతి వెంకయ్య అవార్డును, ఎన్టీఆర్‌ జాతీయ పురస్కారాన్ని అందుకుని సినీ జగత్తులో తెలుగువెలుగుల బావుటాను ఎగురవేశారు. సంచలన దర్శకుడుగా ప్రఖ్యాతిగాంచారు. మేఘాల్లో దర్శకుని పేరును వేసుకుని సినిమారంగంలో దర్శకుని స్థాయి ఎంత ఉన్నతమైనదో తెలియజెప్పిన హిట్‌ డైరెక్టర్‌ ఆయనే. చిత్రసీమకు దాసరి చేస్తున్న విశిష్టసేవలకు గుర్తింపుగా తెలుగు సినీ పరిశ్రమ మరెంతో ఘనంగా ఆయనకు 'దర్శకరత్న' అవార్డునిచ్చి సత్కరించింది.

'తాతా-మనవడు'తో సినీరంగ ప్రస్థానం

తెలుగునాట ఉర్రూతలూగించి..350 రోజులు ప్రదర్శితమై రికార్డు సృష్టించింది. చిత్రసీమలో తనదైన ముద్ర వేసుకున్న 'తాతా మనవడు' చిత్రంతో ఆయన దర్శకునిగా తన సినీజీవిత ప్రస్థానం ప్రారంభించారు. ఎన్టీఆర్‌, ఏఎన్‌ఆర్‌ వంటి అగ్ర హీరోల తోనూ, వర్ధమాన నటీనటులతోనూ ఆయన ఆణిముత్యం లాంటి చిత్రాలెన్నిటినో నిర్మించారు. 'ఎవరికి వారే యమునా తీరే', స్వర్గం-నరకం', బలిపీఠం, శివరంజని, గోరింటాకు, రాధమ్మపెళ్ళి, సర్దార్‌ పాపారాయుడు, బొబ్బిలిపులి, మేఘసందేశం, గోరింటాకు, ప్రేమాభిషేకం, కంటే కూతుర్నే కను, అమ్మ రాజీనామా, అద్దాల మేడ, మామగారు, మేస్త్రి, ఒసేయ్‌ రాములమ్మా, ఒరేయ్‌ రిక్షా వంటి ఎన్నో చిత్రాలు ఆయన దర్శకత్వ ప్రతిభకు నిదర్శనాలు.

ఎన్నెన్నో అవార్డులు.. ఘన పురస్కారాలు

1983లో దాసరి నిర్మించిన 'మేఘసందేశం' చిత్రానికి రాష్ట్రప్రభుత్వం నుంచి 9 నంది అవార్డులే కాక, కేంద్రప్రభుత్వం నుంచి ఉత్తమ ప్రాంతీయ చిత్రంగా 'రజత కమలం' పురస్కారం అందుకుంది. 1999లో ఆయన స్వయంగా నిర్మించిన 'కంటే కూతుర్నే కను' చిత్రానికి జాతీయపురస్కారంతో పాటు, రాష్ట్రప్రభుత్వ నంది అవార్డు కూడా లభించింది. 'తారక ప్రభు' సంస్థను నిర్మించి, జయసుధ కథానాయికగా శివరంజని చిత్రాన్ని తెరకెక్కించారు. నిర్మాతగా ఆయన 53 చిత్రాలను నిర్మించి అందరి ప్రశంసలు అందుకున్నారు. మోహన్‌బాబుకు నటునిగా జన్మనిచ్చిన తండ్రి దాసరి నారాయణరావే. తన గురువైన దాసరి నారాయణరావు ఇక...లేకపోవడం ఆయన గుండెల్ని తొలిచివేస్తోంది. ఇంకా మురళీమోహన్‌, జయసుధ, జయప్రద, సుజాత, ప్రభ, ఆర్‌.నారాయణమూర్తి వంటి ఉత్తమ నటీనటులను వెండితెరకు పరిచయం చేసిన ఘనత కూడా దాసరి నారాయణరావుగారిదే. ప్రముఖ దర్శకులుగా పేరెన్నికగన్న కోడి రామకృష్ణ, రేలంగి నరసింహారావు, రవిరాజా పినిశెట్టి వంటి దర్శకులు కూడా దాసరిగారి శిష్యులే. రాజకీయరంగంలోనూ దాసరి ప్రత్యేకత సాధించారు. 151 చిత్రాలకు దర్శకత్వం వహించి గిన్నిస్‌బుక్‌ ఆఫ్‌ రికార్డ్స్‌ను సాధించారు. సామాజిక అంశాలతో సమాజం ప్రభావితం అయ్యేవిధంగా, అత్యంత సహజమన్నట్లుగా వుండేలా ఆయన చిత్రాలు వుండేవి. అందుకే ఆయన చిత్రాలు ప్రజల్లో బాగా ఆదరణ పొందాయి.

రాజకీయాల్లోనూ తనదైన ముద్ర

1989లో రాజీవ్‌గాంధీ పిలుపుతో ఆయన ప్రత్యక్ష రాజకీయాల్లోకి వచ్చారు. రాజ్యసభ సభ్యునిగా పార్లమెంట్‌లో అడుగుపెట్టారు. కాంగ్రెస్‌ పార్టీలోనే చివరిదాకా కొనసాగారు. కాంగ్రెస్‌ హయాంలో, కేంద్రంలో బొగ్గు గనుల శాఖ సహాయమంత్రిగా కూడా పనిచేశారు. అదేవిధంగా, పత్రికారంగంలోనూ సాహసోపేతంగా వ్యవహరించారు. 'ఉదయం' పత్రిక ఆయన హృద యంగా వుండేది. దానితో పాటు, శివరంజని, బొబ్బిలిపులి తదితర పత్రికలను కూడా ఆయన సాహసోపేతంగానే నడిపారు.

మంచిని ప్రోత్సహించారు, చెడును దుయ్యబట్టారు. పత్రికా రంగంలో మార్గదర్శకమైన రీతిలో నడిచి అందరికీ స్ఫూర్తి దాయక మయ్యారు.

కన్నీటి వీడ్కోలు

దర్శకరత్న దాసరి నారాయణరావు స్వస్థలం పాలకొల్లు. ఒక కుమార్తె, ఇద్దరు కుమారులు ఉన్నారు. ఆయన సతీమణి పద్మ కొంతకాలం క్రితమే దివంగతుల య్యారు. సతి లేని శోకంతో ఆయన విల విలలాడిపోయారు. ఆరోగ్యం అస్వస్తతకు గురయ్యారు. హైదరాబాద్‌ కిమ్స్‌ ఆసు పత్రిలో చికిత్స తీసుకుంటూ ఈ నెల30వ తేదిన రాత్రి 7 గంటల సమయంలో శాశ్వత నిద్రలోకి జారిపోయారు. మేఘాల్లో మెరిసినట్లే మెరిసి మాయ మయ్యారు. ఆ మేఘాల తేరుపైనే గగన వీధుల వెంట.. దూరతీరాలకు తరలి పోయారు. సినీలోకం శోకసంద్రంలో మునిగిపోయింది. ఆయన అంత్యక్రియ లకు సినీపరిశ్రమే తరలివచ్చింది. వేలాది మంది కళాకారులు, నటీనటులూ, ప్రజలూ అందరూ కన్నీటితో వీడ్కోలు తెలిపారు. ఏదేమైనా, ఆయన అస్తమయంతో తెలుగు సినీపరిశ్రమ తనకు దారిచూపే ఒక మహాదర్శకుడిని.. మార్గదర్శకుడిని కోల్పో యింది. ఆ మహనీయ మానవతామూర్తికి.. కళామతల్లి ముద్దుబిడ్డకు.. నివాళు

లర్పిస్తోంది 'లాయర్‌'.

newsbottomad

ఎక్కువగా చదివిన వార్తలు

  • సినీ పరిశ్రమకు... అనువైన వేదిక నెల్లూరు!
    కేసీఆర్‌ ఛీ... ఛా... అని ఛీదరించుకుని ఉమ్మేసినా కొందరు సినీ ప్రముఖులు హైదరాబాద్‌ను వదిలేది లేదంటున్నారు. ఇలాంటి వాళ్లది సినీ పరిశ్రమపై ప్రేమ కాదు! అక్కడ పోగేసిన వేలకోట్ల ఆస్తులపై ప్రేమ. అవెక్కడ పోతాయోననే బాధ. అక్కడ నుండి సినీ పరిశ్రమను…
  • ప్రాణాలు తీస్తున్న పందేలు!
    బ్రతుకులు డొల్ల... భవిష్యత్‌ గుల్ల క్రికెట్‌... ఆడేవాళ్ళకు డబ్బులు, చూసేవాళ్ళకు ఆనందం... ఈ క్రికెట్‌ ప్రపంచంలో ఆడేవాళ్ళు చూసేవాళ్ళు కాకుండా ఇంకో జాతి వుంది. అదే బెట్టింగ్‌ జాతి. క్రికెట్‌ను అందరూ ఆటగా చూస్తే ఈ బెట్టింగ్‌ జాతి మాత్రం జూదంగా…
  • నోర్లు తెరిచిన బోర్లు.. మృత్యువుకు రహదార్లు
    బోర్లు నోర్లు తెరిచాయంటే.. అవి మృత్యువుకు రహదార్లనే తెలుసుకోవాలి. నిర్లక్ష్యంగా బోర్లను తవ్వి వదిలేస్తే అవే మనపాలిట మృత్యుకూపాలవుతాయి. నీళ్ళ కోసం బోర్లు తవ్వుకుంటే, అటు నీళ్ళు రాకపోగా..ఆ బోర్ల గుంతలు చావుగుంతలుగా మారుతుంటాయి. అందుకే, బోర్లు తవ్వుకునేవారు ఎంతో అప్రమత్తంగా…
  • సిటింగ్‌లకు... కటింగ్‌ వేస్తాడా?
    రాబోయే ఎన్నికల్లో జిల్లాలోని తెలుగుదేశం పార్టీ సిటింగ్‌ ఎమ్మెల్యే లకు చంద్రబాబు తిరిగి సీట్లు ఇవ్వడనే ప్రచారం జోరుగా వుంది. ఒక్క సిటింగ్‌ స్థానాలలోనే కాదు, జిల్లాలోని అన్ని అసెంబ్లీ నియోజక వర్గాల నుండి కొత్త అభ్యర్థులను రంగంలోకి దించుతారని టాక్‌!…
  • జనం మెచ్చేలా జగన్‌!
    'నాకు ఓట్లేయకుంటే నేనేసిన రోడ్ల మీద నడవొద్దు... నేనిచ్చే పింఛన్‌లు, రేషన్‌ తీసుకుంటూ నాకు ఓట్లేయరా... హైటెక్‌ సిటి నేనే కట్టించాను... హైదరాబాద్‌ను నేనే డెవలప్‌ చేసాను... కంప్యూటర్‌ కనిపెట్టింది నేనే... సత్య నాదెళ్లను మైక్రోసాఫ్ట్‌ సిఇఓను చేసింది నేనే'' అని…

Newsletter