anjaliఈ మధ్య తెలుగులో అంజలి ఊపు తగ్గింది. రెండేళ్ల కిందట ‘డిక్టేటర్’ సినిమాలో నటించి, ‘సరైనోడు’లో ఐటమ్ సాంగ్ లో మెరిసిన అంజలి, ఆ తర్వాత ‘చిత్రాంగద’ అనే చోటా సినిమాలో చేసింది. అయితే ఈ చిన్న సినిమా ఎవరికీ పట్టలేదు. ఆపై తమిళ అనువాద సినిమాలతో ఈమె పలకరించినా, అవేవీ అంతగా ఆడలేదు. అయితే ఈ తెలుగమ్మాయి కెరీర్ అంతటితోనే అయిపోలేదు. ఇప్పుడు తన సెకెండ్ ఇన్నింగ్స్‌కు సన్నద్ధం అవుతోంది అంజలి. ఇది వరకూ ఈమె ప్రధాన పాత్రలో నటించిన ‘గీతాంజలి’కి సీక్వెల్ వస్తుందని అంటున్నారు. అలాగే ‘గుంటూరు టాకీస్’ కు సీక్వెల్ పార్టులో కూడా అంజలి నటించే అవకాశాలున్నాయట. వీటన్నింటికీ మించి కార్తిక్ సుబ్బరాజ్ దర్శకత్వంలో రజనీకాంత్ హీరోగా నటించే సినిమాలో అంజలికి ఒక ముఖ్య పాత్ర లభించనున్నదని సమాచారం. అదే జరిగితే.. .సూపర్ స్టార్ సరసన నటిస్తే అంజలి కెరీర్ మళ్లీ ఊపు మీదకు వచ్చినట్టే.

sai pallaviజనరల్ గా హీరోలు హీరోయిన్లను తొక్కేస్తుంటారు.. హీరోయిన్ల బాధ కూడా అదే..! చాలాసార్లు తాము వెనకబడిపోతున్నామంటూ నిట్టూరుస్తుంటారు. కానీ కొందరు హీరోయిన్లు మాత్రం హీరోలను ధీటుగా ఎదుర్కొంటూ ఉంటారు. కొన్నిసార్లు హీరోలను మించిపోతుంటారు కూడా..! ఇప్పుడు సాయిపల్లవి కూడా ఇదే టైప్.! సాధారణంగా ఏదైనా సినిమాకు సంబంధించి ప్రమోషనల్ ఈవెంట్ జరిగితే హీరోయిన్స్ డుమ్మా కొట్టడం చాలా సార్లు చూస్తుంటాం. సినిమా చేసిన తర్వాత మిగిలిన వ్యవహారాలతో తమకు ఏమాత్రం సంబంధం లేదన్నట్టు కొంతమంది హీరోయిన్లు బిహేవ్ చేస్తుంటారు. అయితీ ఇటీవల జరిగిన కణం అనే సినిమా ప్రమోషన్ కు హీరో నాగశౌర్య గైర్హాజరయ్యాడు. ఇది అందరినీ షాక్ కు గురిచేసింది. హీరో డుమ్మా కొట్టడమేంటని అందరూ ఆశ్చర్యపోయారు. అయితే నాగశౌర్య డుమ్మా కొట్టడానికి కారణం హిరోయిన్ సాయి పల్లవి అని తెలుస్తోంది. కణం సినిమాలో సాయిపల్లవిదే లీడ్ రోల్. సినిమా నిర్మాత మొదలు దర్శకుడి వరకూ అందరూ సాయిపల్లవి వెంటే నడిచారట. దీంతో నాగశౌర్య హర్ట్ అయ్యాడని తెలుస్తోంది. మరోవైపు సాయిపల్లవి కూడా తానే హీరో, హీరోయిన్ అన్నట్టు బిహేవ్ చేసిందట. దీంతో నాగశౌర్యకు మండిపోయింది. అందుకే డుమ్మా కొట్టేశాడు. సాయిపల్లవి బిహేవియర్ పై రూమర్స్ రావడం ఇదేం కొత్త కాదు. గతంలో ఎంసీఏ సినిమాకు సంబంధించి కూడా ఆమెపై ఇలాంటి టాక్సే వచ్చాయి. నానికి, సాయిపల్లవికి మధ్య గొడవలు వచ్చాయని, వాటిని నిర్మాత దిల్ రాజు సెట్ చేశాడని టాలీవుడ్ కోడై కూసింది. ఇప్పుడు నాగశౌర్యకు కూడా సాయిపల్లవి చుక్కలు చూపించిందనేది తాజా టాక్.

rangaదక్షిణాది సినిమారంగంలో మాత్రమే కాదు ఇండియన్ ఫిలిం ఇండస్ట్రీలో అత్యంత ప్రతిభావంతమైన నటుల లిస్టులో ప్రకాష్ రాజ్ ఎప్పుడు ముందు వరసలోనే ఉంటాడు. అయితే అను నిత్యం వివాదాలకు చిరునామాగా మారిపోతున్న ప్రకాష్ రాజ్ వ్యవహార శైలితో అతడి పేరు చెపితేనే దర్శక నిర్మాతలు భయపడి పోతున్నారు. ఈ నేపధ్యంలో ప్రకాష్ రాజ్ నటిస్తున్న సినిమాల సంఖ్య కూడ బాగా తగ్గిపోయింది. అయితే ప్రస్తుతం నిర్మాణంలో ఉన్న ‘రంగస్థలం’ మూవీలో ప్రకాష్ రాజ్ ఒక కీలక పాత్ర పోషిస్తున్న విషయం తెలిసిందే. ఇప్పటికే రకరకాల కారణాలతో షూటింగ్ ఆలస్యంగా నడుస్తున్న ఈమూవీ చిత్రీకరణ పూర్తి కావడానికి ప్రకాష్ రాజ్ ప్రవర్తన సమస్యగా మారింది అని గాసిప్పుల హడావిడి వినిపిస్తోంది.  వాస్తవానికి మొన్న ఫిబ్రవరి 28న ప్రకాష్ రాజ్ ఆది పినిశెట్టి కాంబినేషన్ లో కొన్ని సీన్స్ తీయవలసి ఉంది అని వార్తలు వచ్చాయి. అయితే విశాఖపట్నంలో వేరే సినిమా షూటింగ్ లో బిజీగా ఉన్న ఆది పినిశెట్టిని దర్శకుడు సుకుమార్ ఒప్పించి హైదరాబాద్ రప్పిస్తే ఆరోజుకు షూటింగ్ కు వస్తాను అని మాట ఇచ్చిన ప్రకాష్ రాజ్ హైదరాబాద్ రాకుండా ఫిబ్రవరి 28న ముంబాయ్ వెళ్ళిపోయినట్లు తెలుస్తోంది. దీనితో ఈ సీన్ చిత్రీకరణ పూర్తి కాలేదు అని వార్తలు వస్తున్నాయి. ఈ సీన్ చిత్రీకరణ పూర్తి అయిన తరువాత సుకుమార్ చరణ్ పై మరికొన్ని ఈ సినిమాకు సంబంధించిన పెండింగ్ సీన్స్ షూట్ చేయవలసిన పరిస్థుతులు ఉన్నాయి అన్న వార్తలు వస్తున్నాయి. దీనితో ప్రకాష్ రాజ్ ఆది పినిశెట్టిల సీన్ ఎప్పుడు షూట్ చేయాలి ఆ తరువాత చరణ్ తో చిత్రీకరించవలసిన పెండింగ్ సీన్స్ ఎప్పుడు చిత్రీకరించాలి అని దర్శకుడు సుకుమార్ తెగ టెన్షన్ పడుతున్నట్లు టాక్. ఇప్పటికే ఈరోజు నుంచి ప్రారంభం అయిన ధియేటర్ల బంద్ తన ‘రంగస్థలం’ రిలీజ్ సమస్యగా మారుతుందా అని టెన్షన్ పడుతున్న చరణ్ కు ప్రస్తుతం ప్రకాష్ రాజ్ వ్యవహార శైలి కూడ మరో తలనొప్పిగా మారిందని గాసిప్పుల హడావిడి వినిపిస్తోంది.. 

newsbottomad

ఎక్కువగా చదివిన వార్తలు

  • ఉదయగిరిలో... 'రెడ్డి' కోసం 'దేశం' అన్వేషణ
    రాజకీయ చైతన్యానికి పేరుపడ్డ నియోజకవర్గంలో రాజకీయ పార్టీలకు గెలుపు పెద్దసవాల్‌! పార్టీ ప్రభంజనాల కంటే పోటీచేసే అభ్యర్థి ప్రభావమే ఇక్కడ ఓటర్లపై బలంగా వుంటుంది. అభ్యర్థి సమర్ధత, వ్యక్తిత్వాన్ని బట్టే ఇక్కడ గెలు పోటములుంటాయి. గత మూడున్నర దశాబ్దాల రాజకీయ చరిత్రను…
  • 'నిప్పో'కు రైట్‌ రైట్‌
    గత కొద్దికాలంగా రాజకీయ నాయకుల నోళ్ళలో నానుతూ రాజకీయ అంశంగా మారిన 'నిప్పో' పరిశ్రమకు సంబంధించిన 13.02 ఎకరాల భూమి కన్వర్షన్‌కు సంబంధించిన అంశం ఎట్టకేలకు నెల్లూరు నగరపాలక సంస్థ ఆమోదం పొందింది. 12వ తేదీ జరిగిన కార్పొరేషన్‌ కౌన్సిల్‌ సమావేశంలో…
  • ఆ ఒక్కడే వణికిస్తున్నాడు!
    నాలుగు దశాబ్దాల రాజకీయ అనుభవం... ముఖ్యమంత్రిగా 13ఏళ్ళ సర్వీసు... రెండుసార్లు మంత్రి... ఏడుసార్లు ఎమ్మెల్యే... జాతీయ రాజ కీయాలలో గిర్రున చక్రం తిప్పిన నేర్పరితనం... యునైటెడ్‌ ఫ్రంట్‌ కన్వీనర్‌... ఇన్ని వున్న చంద్రబాబునాయుడును నిండా 45ఏళ్ల వయసుండని వై.యస్‌. జగన్మోహన్‌రెడ్డి ముప్పతిప్పలు…
  • 'ఆనం' సరే.. మరి ఆదాల...?
    ఇది నిజంగా ఆశ్చర్యం గొలిపే పరిణామం. నెల్లూరుజిల్లాలో ''ఆనం'' రాజకీయ ప్రస్థానంలో ఇదో అనూహ్య మజిలి. తెలుగుదేశం ఆ తరువాత కాంగ్రెస్‌ మళ్ళీ తెలుగుదేశం ప్రస్తుతం వై.యస్‌.ఆర్‌ కాంగ్రెస్‌పార్టీ. జిల్లాలో 'ఆనం' అంటే బలమైన పేరుంది. ఆనం వర్గం అంటూ వారికి…
  • అమ్మో... దొంగల ముఠా
    కరుడుగట్టిన కిరాతకులు వాళ్ళు... మంచితనం, మానవత్వం ఉండదు... దయ, కరుణ మచ్చుకైనా కానరావు... పిల్లా, పెద్ద అనే తేడా లేదు... ఇంట్లో దూరితే అందర్నీ చంపేయడం, అందినకాడికి దోచుకునిపోవడం... దోచుకున్న ఇంట్లోనే భోం చేయడం, అక్కడే మలమూత్రాలు విసర్జించడం... ఈ ముఠా…

Newsletter