నెల్లూరులో నేడు (162)

police stationనెల్లూరు నగరంలో మొత్తం ఏడు పోలీస్‌స్టేషన్‌లున్నాయి. 1, 2, 3, 4, 5 నగర పోలీస్‌స్టేషన్‌లతో పాటు బాలాజీ నగర్‌, నెల్లూరురూరల్‌ పోలీస్‌స్టేషన్‌లు ప్రత్యేకంగా వున్నాయి. కొన్ని పోలీసుస్టేషన్‌లు వున్న ప్రాంతానికి, వాటికి కేటాయించిన

పరిధి ప్రాంతానికి సంబంధం వుండేది కాదు. ఉదాహరణకు నెల్లూరు రూరల్‌ పోలీసుస్టేషన్‌నే తీసుకుందాం. స్టేషన్‌ వుండేది రైల్వేస్టేషన్‌ రోడ్డులో, నగరం చుట్టుపక్కల గ్రామాలు ఈ స్టేషన్‌ పరిధిలోకి వస్తాయి. స్టేషన్‌ నుండి ఒక్కో ఊరికి పది నుండి పాతిక కిలోమీటర్ల దాకా దూరం ఉంటుంది. అది కూడా ఒక దిక్కయితే ఫరవాలేదు. నాలుగు దిక్కులా వుంటాయి. రాఘవ సినీ కాం ప్లెక్స్‌ ఏరియా నాలుగో నగరస్టేషన్‌కు దగ్గర. ఇది వన్‌టౌన్‌ పరిధిలో వుంటుంది. ఏదన్నా సంఘటన జరిగితే పోలీసులు వీలైనంత త్వరగా అక్కడికి చేరుకునేలా ఆయా పోలీస్‌స్టేషన్‌లు పరిధిలోని ప్రాంతాలుండాలి.

ఈ దిశగానే కొంత కసరత్తు జరిపి నగరంలోని పోలీసు స్టేషన్లను పునర్విభజన చేసాడు జిల్లా ఎస్పీ రామకృష్ణ. ముందు పోలీసుస్టేషన్‌లకు నెంబర్లు తీసేసాడు. వన్‌టౌన్‌ను చిన్నబజారు పోలీసుస్టేషన్‌గా, టూటౌన్‌ను నవాబుపేట పోలీసుస్టేషన్‌గా, త్రీ టౌన్‌ను సంతపేట పోలీసుస్టేషన్‌గా, ఫోర్త్‌టౌన్‌ను దర్గామిట్ట పోలీసు స్టేషన్‌గా, ఐదోటౌన్‌ను వేదాయపాలెం పోలీసుస్టేషన్‌గా, ఆరో నగర పిఎస్‌ను బాలాజీ నగర్‌ పోలీసుస్టేషన్‌గా మార్చారు. ఆయా ప్రాంతాల పరిధిలలో కూడా మార్పులు చేసి ఈ స్టేషన్‌లకు కలిపారు.

vemal baviనెల్లూరు, దర్గామిట్టలో టీటీడీ కళ్యాణ మండపం ఎదురుగా వున్న వేమాలశెట్టి బావి సత్రం స్థలం మరోసారి వివాదంలో కెక్కింది. మంగళవారం రాత్రి ఈ స్థలంలో మున్సిపల్‌ మంత్రి పి.నారాయణ ముఖ్య అనుచరుడు వేమిరెడ్డి పట్టాభిరామిరెడ్డి ఆధ్వర్యంలో శనీశ్వరుని విగ్రహాన్ని ప్రతిష్టించడం వివాదానికి దారితీసింది. విషయం తెలిసిన వెంటనే డిప్యూటీ మేయర్‌ ముక్కాల ద్వారకానాథ్‌ ఆధ్వర్యంలో పెద్ద ఎత్తున ఆర్యవైశ్యులు వేమాలశెట్టి బావి సత్రం స్థలం వద్దకు చేరుకుని ఆందోళనకు దిగారు. మంత్రి నారాయణకు ఈ విషయం తెలిసి తన అనుచరుడు పట్టాభి పైనే కారాలు మిరియాలు నూరినట్లు తెలుస్తోంది. ఇదెంతో సెన్సిటివ్‌ విషయం. ఒక కులం వారి మనోభావాలకు సంబం ధించిన అంశం కావడంతో జరిగిన సంఘటనపై మంత్రి కూడా తత్తరపాటుకు గురయ్యారు. పట్టాభి చేసిన పని వల్ల ఆర్యవైశ్యుల్లో తనపై వ్యతిరేకత వస్తుందని మంత్రి ఆందోళన చెందారు.

ఈ స్థలం మొత్తం 1.48 ఎకరాలు. ప్రస్తుతం దేవాదాయ శాఖ ఆధీనంలో వుంది. గతంలో 4ఎకరాలకు పైనే వుం డగా చాలా భాగం ఆక్రమణలకు గురైంది. ఇప్పుడున్న స్థలంలో కూడా శబరి శ్రీరామ క్షేత్రం వాళ్ళు శ్రీరామ స్థూపం నిర్మించారు. ఇక్కడే శనీశ్వరుని విగ్రహం ప్రతిష్టించాలని చాలాకాలం క్రితమే విగ్రహం తెచ్చి పెట్టారు. అయితే నగరానికి చెందిన ఆర్య వైశ్యులు ఈ స్థలం తమ పూర్వీకులకు చెందినదని, అందులో వాసవి మాత గుడి కట్టాలని పట్టుబట్టారు. కొణిజేటి రోశయ్య ముఖ్యమంత్రిగా వున్న కాలంలో ఈ స్థలం స్వాధీనానికి ఆర్యవైశ్యులు ప్రయత్నించడం, అప్పట్లో దేవాదాయశాఖ అడ్డుకోవడం, అప్పటి ఎమ్మెల్యే ఆనం వివేకానందరెడ్డి ఆర్యవైశ్యులకు మద్దతుగా నిలిచి ఈ స్థలంలో వాసవిమాత గుడికి పూజ నిర్వ హించడం జరిగింది. ఈ గుడి నిర్మాణానికి ఆర్యవైశ్యులు ఒక కమిటీని కూడా వేసు కుని, గుడి, కళ్యాణ మండపానికి స్కెచ్‌లు కూడా గీయించారు. అయితే ఆ తర్వాత రోశయ్య సీఎంగా దిగిపోవడం, ఈ స్థలం వివాదం కోర్టులో వుండడంతో వాసవి మాత గుడి నిర్మాణం అసలు మొదలే కాలేదు. అప్పటినుండి ఇప్పటిదాకా ఈ స్థలంలో ఎలాంటి కార్యక్రమాలు లేవు. శబరి శ్రీరామక్షేత్రం వాళ్ళు మాత్రం ప్రతి ఏటా శ్రీరామనవమి ఉత్సవాలను జరుపు తుండేవాళ్ళు. ఇప్పుడు అకస్మాత్తుగా వేమి రెడ్డి పట్టాభి రంగంలోకి దిగి శనీశ్వరుని విగ్రహాన్ని లేవనెత్తడంతో మళ్లీ వివాదం మొదలై రాజకీయ రంగు పులుముకుంది.

kali flatఖాళీ స్థలాలను..ప్లాట్లను ఏళ్ళ తరబడిగా పట్టించుకోకుండా..అలా ఖాళీగానే వదిలేయడం వల్ల ఇరుగుపొరుగు జనానికి ఇక్కట్లు మొదలవుతున్నాయి. పిచ్చిమొక్కలు, ముళ్ళ పొదలు పెరిగిపోవడం, దోమలకు, కుక్కలు..పందులకు, విషసర్పాలకు ఆవాసం కావడం అనేకచోట్ల జరుగుతూ ఉంది. దీంతో నగరమంతా దుర్గంధంతో గబ్బుకొట్టి పోతోంది. ఇళ్ళమధ్యల ప్లాట్లతోపాటు, పరిసరాలన్నీ కుళ్ళు కంపుకొడుతున్నాయి.

నెల్లూరు నగరంలోని అనేక వీధులు, అనేక ప్రాంతాల్లో ఇళ్ళకోసం తీసుకున్న స్థలాలు, లేదా ప్లాట్లు కనిపిస్తుంటాయి. ఆ స్థలాల్లో ఇళ్ళు కట్టుకునేందుకు కారణాంతరాల వల్ల స్థల యజమానులకు వెసులుబాటు లేకపోవడంతో అనేకచోట్ల అవి ఎంతోకాలంగా ఖాళీగానే ఉంటున్నాయి. అక్కడ ఇళ్ళు కట్టుకునేందుకు తగు అర్ధిక వసతులు లేకపోవడం వల్లనో, లేదా మంచి ధర వస్తే విక్రయించుకోవచ్చనో ఇలా రకరకాల కారణాల వల్ల వాటిని అలా వదిలేస్తుండవచ్చు. అయితే, ఆ ప్లాట్లను చాలామంది అలా ఖాళీగానే వదిలేయడం వల్ల, సంవత్సరాలు గడుస్తున్నా వాటి అతీగతీ పట్టించుకోకపోవడం వల్ల ఇరుగుపొరుగు వారికి సమస్యలు వస్తున్నాయి. జిల్లావ్యాప్తంగా ఇదే సమస్య చాలాచోట్ల ఉంది. ముఖ్యంగా నెల్లూరు నగరంలో ఎంతోకాలంగా తిష్టవేసుకుని కూర్చుని ఉన్న పెద్ద సమస్య ఇది.

ఎక్కడ చూసినా గబ్బు గబ్బు!

ఈ ఖాళీ ప్లాట్లు అనబడు స్థలాల్లో కొన్ని చోట్ల సంబంధిత యజమానులు మాత్రం శ్రద్ధ తీసుకుని తమ స్థలాల్లోకి పశువులు, పందులు రాకుండా గేట్లు పెట్టడం, మంచి పూలచెట్లు నాటి వాటిని అందంగా తీర్చిదిద్దుకోవడం వంటి పనులు చేస్తుండడం అభినందనీయం. అంతా గబ్బుగబ్బుగా మారి, మురుగుదిబ్బల్లా ఉన్న ప్లాట్లలోకి అడుగుపెట్టాలంటేనే భయం. దూరం నుంచి చూసి ముక్కు మూసుకోవాల్సిందే తప్ప లోపలికి వెళ్ళే దారే ఉండదు. మురుగుగుంటల్లా మారిన ప్లాట్లు.. దోమలకు ఇళ్ళుగా మారిపోయాయి. ఈ ఖాళీస్థలాలు లేదా ప్లాట్లు వాటికి భలే దొరికాయి. ఈగలు దోమలతో పాటు, పశువులు, పందులు, కుక్కలు..ఎలుకలు, చుంచులు.. నలికీసులు.. ఇలా నానారకాల కీటక జంతుజాలమంతా ఆ ప్లాట్లలో యదేచ్ఛగా విహరిస్తుంటాయి. అక్కడే సందుచూసుకుని రకరకాల పాములు కూడా కాపురం పెడుతున్నాయి. కట్లపాములు, నాగుపాములు, జెర్రిపోతులు వంటి విషసర్పాలు కూడా జొరబడుతున్నాయి. వీటన్నిటికీ మన నిర్లక్ష్యమే మంచి ఆవాసం కల్గిస్తోందని చెప్పవచ్చు.

ఖాళీ ప్లాట్లా!..డంపింగ్‌యార్డ్‌లా?!....

ఈ ఖాళీప్లాట్లు రానురాను చెత్తదిబ్బలుగా మారుతున్నాయి. ఖాళీప్లాటు కనిపిస్తే చాలు..ఇక ఇరుగుపొరుగు చెత్తకు కొదవుండదు. కొన్నిచోట్ల ఆ చుట్టుపక్కల ఉన్న వారు కూడా తమ ఇళ్ళలోని చెత్తనంతా శుభ్రంగా ఊడ్చి, ఖాళీగా ఉంది కదా.. అని ఇతరులకు చెందిన ఈ ఖాళీప్లాట్లలోనే కుమ్మరించేస్తుంటారు. దీంతో అలా ఆ ఖాళీ ప్లాట్లు జనానికి అనధికారిక డంపింగ్‌యార్డుల్లా మారిపోతున్నాయి.

ఆ చెత్త... తిరిగి మన నెత్తిమీదికే...

కొంతమంది సందు దొరికింది కదా అని..తమ ఇళ్ళలోని చెత్తాచెదారాన్ని, పనికిరాని ఆహారపదార్ధాలు వగైరాలన్నిటినీ భద్రంగా ప్లాస్టిక్‌కవర్లలో చుట్టి మూటగట్టి ఖాళీప్లాట్లలోకి విసిరేస్తుంటారు. పెద్దపెద్ద అపార్ట్‌మెంట్‌ల మధ్యలో ఓ ఖాళీస్థలం దొరికితే చాలు, జనానికి పండగ. ఇంట్లో ఉన్న చెత్తనంతా హాయిగా అక్కడ కుమ్మరించేస్తుంటారు. ఆ చెత్తంతా రోజూ కుప్పలు తెప్పలుగా ఆ ఖాళీస్థలాల్లో పడి, మురిగిపోయి కుళ్ళు కంపు కొడుతుంటుంది. చివరికి ఆ మురుగు గబ్బునంతా పీల్చాల్సింది ఆ చుట్టుపక్కల ఉన్న జనమే కదా?.. మన ఇంట్లో చెత్తనంతా ఖాళీప్లాట్లలో పోసేస్తే..మన చెత్తను మన నెత్తిన మనమే వేసుకున్నట్లేనని మనం అర్ధం చేసుకోవాలి.

మీ ప్లాట్లు బాగుంటే.. మేము బాగున్నట్లే...

ప్లాట్ల యజమానులు కూడా అవి 'మా స్థలాలు..మా ఇష్టం' అనే ధోరణితో కాక, ప్రజారోగ్యం కోసం అప్పుడప్పుడూ వాటి బాగోగులను పట్టించుకోవాలి. ఎందుకంటే ఆ ప్లాట్లు బాగుంటే మన ఆరోగ్యం బాగున్నట్లే. మీ ప్లాట్ల పరిశుభ్రతే..మా ఆరోగ్య భాగ్యం అంటున్నారు జనం. అందువల్ల మన చుట్టూ ఉన్న పరిసరాలు కాలుష్యానికి గురికాకుండా కాపాడుకోవాలి. కనుక, మీరూ ఒకసారి మీ ఖాళీప్లాట్లు, స్థలాలు ఎలా ఉన్నాయో ఒకసారి చూసుకుంటూ... మీ ఆలోచనల మేరకే వాటిని సర్వాంగ సుంద రంగా తీర్చిదిద్దుకొని పరిసరాలను-పరిశుభ్రతను పరిరక్షిస్తారని ఆశిద్దాం!...

vprఈ నెల 19, 20 తేదీలలో నెల్లూరు, కనుపర్తిపాడులోని విపిఆర్‌ కన్వెన్షన్‌ సెంటర్‌లో విపిఆర్‌ ఫౌండేషన్‌ ఆధ్వ ర్యంలో వికలాంగులకు ఉచిత వైద్య శిబి రాన్ని నిర్వహిస్తున్నారు. 19వ తేదీ రాజ్య సభ సభ్యులు వేమిరెడ్డి ప్రభాకర్‌రెడ్డి జన్మ దినోత్సవం సందర్భంగా వికలాంగులకు ఆయన జన్మదిన కానుకగా ఈ కార్యక్రమం ఏర్పాటు చేస్తున్నారు. 19వ తేదీ ఉదయం 9గంటలకు ప్రారంభమయ్యే ఈ కార్యక్ర మానికి ఎంపి వేమిరెడ్డి ప్రభాకర్‌రెడ్డి ముఖ్య అతిథిగాను, నెల్లూరు గ్రామీణ శాసన సభ్యులు కోటంరెడ్డి శ్రీధర్‌రెడ్డి, జిల్లా ఎస్పీ పిహెచ్‌డి రామకృష్ణ విశిష్ఠ అతిథులుగాను విచ్చేయనున్నారు. వికలాంగులు, కాళ్ళు లేని వారిని నిపుణులచే పరీక్షించి వారికి ఉచితంగా జైపూర్‌ ఫుట్స్‌ను అమరుస్తారు. శ్రీ భగవాన్‌ మహావీర్‌ వికలాంగుల సహాయ సమితి హైదరాబాద్‌ వారి సహకా రంతో విపిఆర్‌ ఫౌండేషన్‌ ఈ కార్యక్ర మాన్ని నిర్వహిస్తుంది. వికలాంగులు ఆధార్‌ కార్డు, రేషన్‌ కార్డు జెరాక్స్‌ కాపీలతో పాటు రెండు పాస్‌పోర్టు సైజ్‌ఫోటోలు తీసుకుని శిబిరానికి హాజరు కావాలని నిర్వాహకులు కోరుతున్నారు. వివరాలకు 7680944389, 8885831414 నెంబర్లలో సంప్రదించవచ్చు.

dummurఈ నిర్లక్ష్యానికి బాధ్యత ఎవరిది?..ఈ దౌర్భాగ్యానికి కారకులెవరు?..నెల్లూరు నగరాన్ని ఊపిరితిత్తుల జబ్బు పీడిస్తున్నా, దుమ్మురోడ్లతో జనం నిత్యం వ్యాధుల బారిన పడి ఛస్తున్నా అటు కార్పొరేషన్‌వారికిగానీ, ప్రజారోగ్య అధికారులకు గానీ, సంబంధిత కాంట్రాక్టర్లు..వారి సిబ్బందికి గానీ, వీటినన్నిటినీ ఏసీగదుల్లో కూర్చొని పర్యవేక్షిస్తున్న మంత్రులకు గానీ, నాయకులకు గానీ కనీసం దోమకుట్టినట్లు కూడా లేపోవడం నెల్లూరు ప్రజల దౌర్భాగ్యమనే అందామా?...నెల్లూరు జనం ఎప్పుడు చేసుకున్న పాప ఖర్మో అని సరిపెట్టుకుందామా?..

దుమ్ము... ధూళి అనేవి ప్రకృతిసిద్ధంగా వస్తుం టాయి. అవి ఎప్పుడో గాలి వీస్తేనో లేదా, పెనుగాలి రేగితోనో దుమ్ము పెద్దఎత్తున పైకిలేస్తుంది. కానీ, అది కొద్దిసేపే. ఇంతలో ఏ చిన్న వానజల్లు కురిస్తే చాలు.. ఆ దుమ్మంతా మాయమైపోతుంటుంది. అయితే, నెల్లూర్లో అలా కాదు. ఇక్కడ దుమ్ము ప్రత్యే కించి తయారయ్యింది. భూగర్భడ్రైనేజీ కోసం రోడ్లన్నీ తవ్వి, అక్కడక్కడా గుంతలు వదిలేయడం, రోడ్లపై క్వారీ డస్ట్‌ను పోసి దుమ్ముధూళితో నగరవాసులు రకరకాల వ్యాధుల బారిన పడుతున్నా రోజుల తరబడి పట్టించుకోకపోవడం ఏమిటని ప్రజలు ఆందోళన వ్యక్తం చేస్తున్నారు. దుమ్ము ప్రతిరోజూ ప్రజలకి నరకాన్ని చూపిస్తోంది. నోళ్ళకి, ముక్కులకి గుడ్డలు చుట్టుకున్నా లాభం లేదు. ఎంతసేపని అలా ఉండగలం?.. ఒక్క నిమిషం ఏమారితే చాలు, ఆ దుమ్మంతా ఊపిరితిత్తుల్లోకి చేరిపోతుంది. దీంతో ఇక ఊపిరి తీయలేక జనం పడే అవస్తలు వర్ణనా తీతం. అయినా, అధికారులు కానీ, సంబంధిత కాంట్రాక్టర్లు కానీ ఇవేమీ పట్టించుకోరు. ఎంత దుమ్ము.. ఎంత కాలుష్యం నగరాన్ని చుట్టుముట్టేసి జనాన్ని ఆసుపత్రులు పాలుచేస్తున్నా ఎవరికీ ఏమీ పట్టదు. అమాయకపు జనం ఉంటేనేం.. పోతేనేం అన్నట్లుంటారు మన నాయకులు. ఎన్నిసార్లు ఈ బాధలు పేజీలకు పేజీలు రాసినా ఎవరికీ దోమ కుట్టినట్లు కూడా ఉండదు. అధికారులు, కాంట్రాక్టర్లు, నాయకులు అంతా ఏసీ కార్లలో తలుపులు మూసుకుని హాయిగా, చల్లగా తిరుగుతుంటారు కనుక బయట జనం పడే అవస్తలు వారికి నల్ల అద్దాల్లోంచి కన పడవు. ఈ దుమ్ము, ధూళి ప్రజల ఆరోగ్యాలనెంత కలుషితం చేస్తోందో, చిన్నపిల్లలు, పెద్దలు, వృద్ధులు, గృహిణులు ఎంతమంది ఆ దుమ్ము వల్ల శ్వాసకోశ వ్యాధులకు గురై నెత్తీనోరు బాదుకుంటూ ఆసుపత్రుల్లో పడి అల్లాడుతున్నారో వారికి తెలియదు. తెలిసినా తెలియనట్లుండడమే వారి నైజం. మంచిరోడ్లు వేస్తారని జనం ఎంతో ఆశపడి సహకరిస్తున్నా, రోజులు గడిచిపోతూనే ఉన్నా, జనాన్ని దుమ్ములో వేయిస్తున్నారే తప్ప, ఈ దుమ్మురోడ్లను బాగుచేయక పోవడం ఏమిటని నగరప్రజలు తీవ్ర అసంతృప్తిలో ఉన్నారు. రోజంతా ఆ దుమ్మే పీలుస్తుండడంతో ఊపిరితిత్తులు ఊపిరి పీల్చలేక డస్సిపోతున్నాయని వృద్ధులు తీవ్ర ఆవేదన వ్యక్తం చేస్తున్నారు. ఇలాంటి బాధలతో ఎంతోమంది ఆసుపత్రుల చుట్టూ తిరుగు తున్నారు. కానీ జిల్లా ఉన్నతాధికారులు కానీ, కార్పొరేషన్‌ అధికారులు, నాయకులు కానీ పట్టించు కోవడం లేదు. రోడ్లమీద క్వారీడస్ట్‌ను తాత్కాలికంగా వేసి, ఆ తర్వాత మంచిరోడ్లు వేస్తారేమోనని జనం ఉగ్గబట్టి ఎదురుచూస్తూనే ఉన్నారు. కానీ, అలాంటి ఛాయలేమీ కనిపించడం లేదు. సరికదా, దుమ్ము రోడ్లపై దుమ్ము లేవకుండా నిర్ణీతసమయాల్లో నీరు చల్లడం వంటి కనీస కంటితుడుపు చర్యలు కూడా నామమాత్రంగానే చేపడుతున్నారు. దీంతో, ఆ రోడ్ల పక్కనే ఉన్న ఇళ్ళు, షాపుల్లో దుమ్ము పేరుకుపోతోంది. వంటినిండా దుమ్ము..ఇంటినిండా దుమ్మే అన్నట్లుగా ఈ దుమ్ముతో రోజూ చస్తున్నా కార్పొరేషన్‌ వాళ్ళు కార్లల్లో ఇదే దారిన వెళ్తూ చోద్యం చూస్తున్నారే తప్ప సత్వర చర్యలు తీసుకునేందుకు చొరవ చూపడం లేదని జనం తీవ్రంగా విమర్శిస్తున్నారు. ఒకవేళ ఈ బాధలు తాత్కాలికమే అనుకున్నా, ఎన్నిరోజులు ఇలా గడపాలో తెలియడం లేదని, ఈలోగా ఊపిరితిత్తులు కాస్తా పాడైపోతే పరిస్థితి ఏమిటని జనం ఆవేదన.

నగరంలోని ప్రధానరోడ్లలో ఒకటైన మాగుంట లే-అవుట్‌ రోడ్డు, మినీబైపాస్‌ రోడ్డు, పొదలకూరు రోడ్డు, ఏసినగర్‌, బాలాజీనగర్‌, దర్గామిట్ట ఇలా కనీసం ప్రధాన రోడ్లనైనా అధికారులు ఒక బృందంగా ఏర్పడి వెంటనే పరిశీలించి, ఎక్కడ వాటిని బాగు చేయాలో తక్షణ చర్యలు తీసుకుంటే తప్ప ఈ దుస్థితి మారదని ప్రజలు సూచిస్తున్నారు. దుమ్మురోడ్లను వెంటనే బాగుచేసి, త్వరగా మంచిరోడ్లు వేయాలని, కార్పొరేషన్‌ అధికారులకు, సంబంధిత నాయకులకు ఇకనైనా అలాంటి మంచిబుద్ధి కలిగించాలని నగర ప్రజలు నిత్యం వేయిదేవుళ్ళకు మొక్కుకుంటున్నారు.

roadsనెల్లూరు నగరంలో ఈ మధ్యంతా కూడా డ్రైనేజీ పనులు ముమ్మరంగా చేశారు. ఏ ప్రాంతంలో చూసినా సైడు కాలువల పనులు బాగానే జరుగుతూ కనిపించాయి. అయితే ఈ డ్రైనేజీల నిర్మాణం వల్ల అనుకున్న మైలేజీ రావడం లేదని మున్సిపల్‌ మంత్రి పి.నారాయణకు అర్ధమైపోయింది. ఎందుకంటే నగరంలో భూగర్భ డ్రైనేజీ కోసం అన్ని రోడ్లను పగలగొట్టిపెట్టారు. ప్రజలు నరకయాతన అనుభవిస్తున్నారు. పాలకులను జనాలు రోజూ తిట్టుకోవడమే పనవుతోంది. దీనిని గ్రహించిన నారాయణ నగరంలో రోడ్ల పనులపై దృష్టి పెట్టారు. ఎస్సీ సబ్‌ ప్లాన్‌ నిధులను నెల్లూరుకు బాగానే తెచ్చి దీని క్రింద ముమ్మరంగా రోడ్ల పనులు మొదలుపెట్టించారు.

trafficజమ్మూ కాశ్మీర్‌లో ఉగ్రవాదాన్న యినా పూర్తిగా తుడిచిపెట్టొచ్చేమోగాని నెల్లూరు నగరంలో ట్రాఫిక్‌ సమస్యను ఒక దారికి తేవడం మాత్రం ఎవరి వల్లా అయ్యే పనికాదు. ఏ ఎస్పీకైనా నెల్లూరులో పెద్ద సవాల్‌ ట్రాఫిక్కే! కొందరు ఎస్పీలు మాకెందుకొచ్చిన తలనొప్పిలే అని దాని గురించే పట్టించుకోరు. ఇంకొందరు జనం అవస్థలు చూడలేక కొంతన్నా సరి దిద్దాలనే ప్రయత్నం చేస్తారు. ప్రస్తుత ఎస్పీ రామకృష్ణ అదే ప్రయత్నం చేస్తున్నారు.

రోడ్లు ఎలాగూ పెంచలేరు. వాహనా లను తగ్గించలేరు. కనీసం కొన్ని మార్పు లతో ట్రాఫిక్‌ను సరిదిద్దాలనుకున్నారు. ఇందులో భాగంగానే కె.వి.ఆర్‌ పెట్రోల్‌ బంకు వద్ద వున్న జంక్షన్‌ను మూసి వేయించి అటూ ఇటూ కొంచెం దూరంలో సిండికేట్‌ బ్యాంకు వద్ద, కస్తూరిదేవి స్కూల్‌ వద్ద వాహనాలు మలుపులు తిరిగేలా డివైడర్లు ఏర్పాటు చేయించారు. దీనివల్ల జంక్షన్‌లో రోడ్డు దాటడం కోసం ఒక్కో రోడ్డులో వాహనాలను ఆపేసి ఇంకో రోడ్డులో వాహనాలను పంపే పరిస్థితి

ఉండదు. ఇక్కడ మలుపు తిరిగి ఎటువైపు వెళ్ళే వాహనాలు అటు వెళ్లొచ్చు. ట్రాఫిక్‌ సిగ్నల్స్‌ అవసరం లేని పద్ధతి ఇది. కాక పోతే మలుపు తిరిగే చోట రోడ్డును ఇంకా వెడల్పు చేయాలి. దాని వల్ల నేరుగా వచ్చే వాహనాలకు మలుపు తిరుగుతున్న వాహ నాలతో ఇబ్బంది వుండదు. మలుపు తిరిగే చోట రోడ్డు ఇరుకు వల్ల యధా తధంగా ట్రాఫిక్‌జాం అవుతుంది. గాంధీ బొమ్మ, రామలింగాపురం జంక్షన్‌ల వద్ద కూడా ఇదే పద్ధతిని అనుసరిస్తున్నారు. వాహనాలు మలుపు తిరిగే చోట రోడ్డు వెడల్పు చేసి మలుపు తిరిగే వాహనాలకు, అలాగే నేరుగా వచ్చే వాహనాలకు విడివిడి లైన్‌లు కేటాయిస్తే ఈ విధానం విజయ వంతమవుతుంది.

tyagarajఈ నెల 6వ తేది నుంచి 13వ తేది వరకు 53వ శ్రీ త్యాగరాజ స్మరణోత్స వాలను స్థానిక రేబాల లక్ష్మీనరసారెడ్డి పురమందిరంలో ఎంతో వైభవంగా నిర్వ హించేందుకు ఏర్పాట్లు చేస్తున్నారు. ఈ ఏడు రోజులు ప్రసిద్ధులైనవారిచే సంగీత కార్యక్రమాలు నిర్వహిస్తారు. అందుకోసం గత కొద్దిరోజులుగా త్యాగరాజస్వామి ఆరాధకులు నెల్లూరులో వీధివీధినా తిరుగుతూ, శ్రీ త్యాగరాజస్వామి కీర్తనలను గానం చేస్తూ, జోలెకట్టి భిక్ష పట్టారు. ఈ ఉత్సవాల సందర్భంగా శ్రీ త్యాగరాజ స్వామి సంకీర్తనలతో, భక్తిగీతాలతో పుర మందిర ప్రాంగణం పరవశించిపోతుంది. శ్రీ త్యాగరాజస్వామి ఆరాధకులైన దివం గత శ్రీపతి పండితారాధ్యుల సాంబ మూర్తి, దివంగత యనమండ్ర వేంకటేశ్వర శాస్త్రిలు అప్పట్లో నెల్లూరు నలుమూలలా త్యాగరాజ కీర్తనలను ఆలపిస్తూ, జోలెకట్టి భిక్షపట్టి సంగీతసేవ నిర్వహించిన విషయం అందరికీ తెలిసిందే. శ్రీ త్యాగరాజ ఆరా ధనలతో నెల్లూరును మరో తిరువ య్యార్‌లా తలపింపజేసిన మహానుభావులు వారు. ఆ మహనీయులు చేపట్టిన శ్రీ త్యాగరాజ స్మరణోత్సవాలను త్యాగరాజ స్వామి భక్తులు, సింహపురి ప్రజలందరి సహకారంతో శ్రీ త్యాగరాజ స్మరణోత్సవ సభవారు నేటికీ కొనసాగిస్తూనే ఉండడం ఎంతైనా విశేషం. ఎంతో మహనీయమైన ఈ కార్యక్రమాన్ని కొనసాగించేందుకు ఏర్పడిన భిక్షాటనాపూర్వక శ్రీ త్యాగరాజ స్మరణోత్సవ సభ కమిటీకి శ్రీపతి పండితా రాధ్యుల సాంబమూర్తి తనయుడైన విఖ్యాత గాయకుడు డా. ఎస్పీ బాలసుబ్రహ్మణ్యం శాశ్వత అధ్యక్షులుగా, యనమండ్ర వేంకటేశ్వరశాస్త్రి కుమారుడైన నాగదేవి ప్రసాద్‌ శాశ్వత కార్యదర్శిగా, మాచవోలు రాజశేఖరశాస్త్రి గౌరవాధ్యక్షులుగా, చతు ర్వేదుల శ్రీరామమూర్తి అధ్యక్షులుగా

ఉంటూ, ఆ కమిటీ ఆధ్వర్యంలో త్యాగరాజ స్మరణోత్సవాలను ప్రతిఏటా అంగరంగ వైభవంగా నిర్వహిస్తున్నారు. నెల్లూరు నగరానికి ఆ సంగీత భక్తి పరిమళాలను ప్రతి ఏటా పంచుతూనే ఉన్నారు. ఈ ఏడాది మార్చి 6వ తేది నుంచి 12వతేది వరకు జరిగే ఈ స్మరణోత్సవాల్లో భాగంగా తొలిరోజైన 6వ తేది ఉదయం 7 గంట లకు నెల్లూరు వేదాయపాళెంలోని త్యాగ రాజ మందిరం నుంచి శ్రీ సీతారామ లక్ష్మణ హనుమత్సమేత శ్రీ త్యాగరాజ విగ్రహాలను, శ్రీ త్యాగరాజస్వామి చిత్ర పటాన్ని ఊరేగింపుగా తీసుకువచ్చి టౌన్‌ హాలులో ప్రతిష్టించి, పూజలు నిర్వహిస్తా మని కార్యదర్శి యనమండ్ర నాగదేవి ప్రసాద్‌ తెలిపారు. ఈ ఉత్సవాల్లో ప్రతి రోజూ ప్రముఖులైన వారెందరో పాల్గొని ఎంతో భక్తిశ్రద్ధలతో సంగీత కచ్చేరీలు, హరికథా గానాలు, గాత్రకచ్చేరీలు, నాద స్వర కచ్చేరీలు వంటి భక్తి కార్యక్రమాలను నిర్వహిస్తారని, ప్రజలు..భక్తులందరూ విచ్చేసి ఈ కార్యక్రమాలను జయప్రదం చేయాలని ఆయన కోరారు.

13న 'జీవన దర్శనం' పుస్తకావిష్కరణ

హరికథా భిక్షువు శ్రీపతి పండితారాధ్యుల సాంబమూర్తి అయ్యవారి 'జీవన దర్శనం' పుస్తకాన్ని ఈ ఉత్సవాల్లో 13వతేదీన ఆవిష్కరిస్తారు. ఎమ్మెస్‌ సూర్యనారాయణ రచించిన ఈ పుస్తకాన్ని సాంబమూర్తిగారి సతీమణి, విశ్వవిఖ్యాత గాయకుడు ఎస్‌పి బాలసుబ్ర హ్మణ్యం తల్లిగారైన శ్రీపతి పండితారాధ్యుల శకుంతలమ్మ ఆవిష్కరిస్తారు. ఈ సభను డా. ఎస్పీ బాలసుబ్రహ్మణ్యం నిర్వహిస్తారు. ఈ కార్యక్రమానికి ఆత్మీయ అతిథులుగా సినీప్రముఖులు సిరివెన్నెల సీతారామశాస్త్రి, తనికెళ్ళ భరణి, వెన్నెలకంటి రాజేశ్వర ప్రసాద్‌లతో పాటు, ప్రముఖ పారిశ్రామికవేత్త కె.ఇ వరప్రసాద్‌రెడ్డి, లాయర్‌ వారపత్రిక అధినేత తుంగా శివప్రభాత్‌రెడ్డి, మురళీకృష్ణ హోటల్స్‌ అధినేత గ్రోసు గోపాలయ్య, మురళీకృష్ణ హోటల్స్‌ సారధి వీరిశెట్టి హజరత్‌బాబు పాల్గొంటారు. ఈ సందర్భంగా బ్రహ్మశ్రీ చాగంటి కోటేశ్వరరావుచే ప్రవచనం ఉంటుందని నిర్వాహకులు తెలిపారు.

ranganనెల్లూరు రంగనాయకులపేటలో వేంచేసియున్న శ్రీదేవి, భూదేవి సమేత శ్రీ త్పగిరి రంగ నాథస్వామి వారి దేవస్థానంలో ఈ నె 25వ తేదీ నుంచి మార్చి 8వతేదీ వరకు బ్రహ్మోత్సవాలు జరుగనున్నాయి. ఈమేరకు ఈ నె 20న దేవస్థానం ప్రాంగణంలో ఆయ ఛైర్మెన్‌ మంచికంటి సుధాకర్‌రావు, ఇ.ఓ కోవూరు జనార్ధన్‌రెడ్డి బ్రహ్మోత్సవా ఆహ్వానపత్రికు, గోడ పత్రికను ఆవిష్క రించారు. మార్చి 2న గరుడసేవ, 3న కళ్యాణం, 4న రథోత్సవం, 8వ తేదీ తెప్పోత్సవాన్ని అత్యంత వైభవంగా నిర్వ హించనున్నారు.

plasticస్వచ్ఛసర్వేక్షన్‌లో నెల్లూరును దేశంలోనే 20వ స్థానంలో నిలపాలంటూ మంత్రి నారాయణ, మేయర్‌ అజీజ్‌ ఫోటోలతో నగరంలో అక్కడక్కడా ఫ్లెక్సీలు చూస్తున్నాం. నిజమే... స్వచ్ఛసర్వేక్షన్‌లో నెల్లూరును అగ్రగామిగా తీర్చిదిద్దడానికి అందరు కూడా సహకరించాలి. దేశంలో నెల్లూరుకు 20వ స్థానం కాదు, 1వ స్థానం వచ్చినా ఆనందమే! అసలు ఏ స్థానం రాకున్నా నగరం పరిశుభ్రంగా వుంటే ఇంకా ఆనందం. నెల్లూరును పరిశుభ్ర నగరాల జాబితాలో టాప్‌టెన్‌లో నిలపాలంటే ఎంతోకొంత ఖర్చుతో కూడుకున్న పని. అసలు నయాపైసా ఖర్చు లేకుండా చేయగల పని నెల్లూరును ప్లాస్టిక్‌ క్యారీ బ్యాగుల రహిత నగరంగా మార్చడం. మున్సిపల్‌ మంత్రిగా వున్న పి.నారాయణే ముందుగా దీనికి పూనుకోవాలి. ప్లాస్టిక్‌ బ్యాగులు వాడని తొలి కార్పొరేషన్‌గా నెల్లూరును తయారుచేయాలి. ఆయన తలచుకుంటే ఇది పెద్ద సమస్య కూడా కాదు.

నేటి మానవసమాజాన్ని ప్లాస్టిక్‌ సంచులు ఏ విధంగా ఆక్రమించాయో చూస్తూనే వున్నాం. నిద్ర లేచింది మొదలు నిద్రపోయేదాకా మన దైనందిన కార్యకలాపాలలో అవి ప్రధానపాత్ర పోషిస్తున్నాయి. ఉదయాన్నే ప్లాస్టిక్‌ పాలప్యాకెట్‌తోనే జీవితం మొదలవుతుంది. ప్లాస్టిక్‌ కవర్లలో కూరగాయలు, ప్లాస్టిక్‌ క్యాన్‌లలో

నీళ్ళు... ప్లాస్టిక్‌ కవర్‌లు, ప్లాస్టిక్‌ డబ్బాలలో టిఫిన్‌, వేడివేడి సాంబార్‌ పార్సిళ్ళు, ప్లాస్టిక్‌ బౌల్స్‌లో బిర్యాని పార్శిళ్ళు, ప్లాస్టిక్‌ కవర్లలో కర్రీస్‌ పార్సిల్‌... ఇలా ఒకటేమిటి... ప్రతి చోటా మనకు ప్లాస్టిక్‌ క్యారీ బ్యాగులు నిత్యావసర వస్తువులుగా మారాయి.

ప్లాస్టిక్‌ క్యారీ బ్యాగులతో వచ్చే అనర్ధాల గురించి ప్రతి రోజూ వైద్యులు చెబుతూనే వున్నారు. క్యాన్సర్‌ వంటి ప్రాణాంతక వ్యాధితో పాటు మరెన్నో వ్యాధులకు ఈ ప్లాస్టిక్‌ భూతమే కారణం. ప్లాస్టిక్‌ తొందరగా మట్టిలో కలిసిపోదు, డ్రైనేజీ కాలువల్లో ఈ కవర్లు పడితే డ్రైనేజీ బ్లాక్‌ అవుతుంది. చెత్తకుండీల వద్ద పడివున్న వృధా ఆహారపదార్ధాలతో పాటు ఈ ప్లాస్టిక్‌ కవర్లను మింగేయడం వల్ల ఆవులు మృత్యువాత పడుతున్నాయి. పర్యావరణానికి, ప్రజల ప్రాణాలకు చేటుగా మారిన ప్లాస్టిక్‌ క్యారీ బ్యాగులను నిషేధించాలని గతంలోనే సుప్రీంకోర్టు ఆదేశించింది. 40మైక్రాన్లలోపు ప్లాస్టిక్‌ కవర్లు అమ్మకూడదని ప్రభుత్వం కూడా నిషేధం పెట్టింది. అయితే నెల్లూరులో ప్లాస్టిక్‌ నిషేధం అమలు కావడం లేదు. గతంలో నాలుగైదు సార్లు దాడులు నిర్వహించి, ప్లాస్టిక్‌ క్యారీ బ్యాగులను స్వాధీనం చేసుకుపోవడం తప్పితే పకడ్బందీగా అమలు చేసిన దాఖలాలు లేవు. ముందు ప్లాస్టిక్‌ క్యారీ బ్యాగుల ఉత్పత్తులను నిలిపేయాలి. దుకాణాలలో గుడ్డసంచులు లేదా జనపనార సంచులు మాత్రమే అమ్మాలి. నిషేధించిన ప్లాస్టిక్‌ క్యారీ బ్యాగులను అమ్మే లేదా వాడే వ్యాపార దుకాణాలపై గట్టి చర్యలు తీసుకోవాలి. అధికారులతో తరచు తనిఖీలు నిర్వహిస్తుంటే ప్రజలు కూడా క్రమక్రమంగా ప్లాస్టిక్‌ క్యారీ బ్యాగుల వాడకాన్ని తగ్గించుకుంటారు.

Page 1 of 12

newsbottomad

ఎక్కువగా చదివిన వార్తలు

  • ఇప్పుడిప్పుడే పుంజుకుంటున్న రియల్‌
    వై.యస్‌.రాజశేఖరరెడ్డి మరణం తర్వాత నెల్లూరుజిల్లాలో రియల్‌ మార్కెట్‌ పడిపోయింది. ఆ తర్వాత కూడా రియల్‌ రంగానికి అన్నీ ఎదురుదెబ్బలే! వై.యస్‌. మరణంతో జిల్లాలో పారిశ్రామికాభివృద్ధి కుంటుపడడం, ఆ తర్వాత వచ్చిన సీఎంల పాలనలో వేగం లేకపోవడంతో రియల్‌ మార్కెట్‌లో ప్రతిష్టంభన ఏర్పడింది.…
  • మేజర్‌లు... మున్సిపాల్టీలయ్యేనా?
    నెల్లూరుజిల్లాలో కొత్త మున్సిపాల్టీల ఏర్పాటులో కదలిక వచ్చినట్లుగా తెలు స్తోంది. రాష్ట్ర ప్రభుత్వం పట్టణీకరణలో భాగంగా పలు మేజర్‌ పంచాయితీలను మున్సిపాల్టీలుగా మార్పు చేయాలనుకుంది. ఈమేరకు మున్సిపాల్టీలుగా మార్చగల పంచాయితీ పేర్లను ప్రతిపాదించాలని కలెక్టర్లను ఆదేశించడం జరిగింది. నెల్లూరుజిల్లా కలెక్టర్‌ ఛైర్మెన్‌గా…
  • నానుతున్న నారాయణ
    చాలాకాలంగా మంత్రి నారాయణ పేరు జిల్లాలో నానుతుంది. వచ్చే ఎన్ని కల్లో ఆయన పోటీ చేస్తాడనే ఊహాగా నాలు వినిపిస్తున్నాయి. పలుసార్లు ఆయన తాను పోటీ చేయనని చెప్పినప్పటికీ ఆ ప్రచారం మాత్రం ఆగడం లేదు. మొదటినుండి నెల్లూరు నగరం నుండి…
  • వెంకటగిరి... నా ఊపిరి!
    నెల్లూరుజిల్లా రాజకీయ చరిత్రలో గుర్తుండిపోయే నాయకుడు స్వర్గీయ నేదురుమల్లి జనార్ధన్‌రెడ్డి. ఒకే జెండాను, ఒకే అజెండాను, ఒకే సిద్ధాంతాన్ని, ఒకే రాజకీయ మార్గాన్ని ఎంచుకుంటే సామాన్యులు సైతం అత్యున్నత స్థానాలకు ఎదుగుతారనడానికి రెండు ఉదాహరణలు ఈ జిల్లా నుండే వున్నాయి. తొలినుండి…
  • అయోమయంలో ఆనం
    నెల్లూరుజిల్లాలో బలమైన రాజకీయ కుటుంబానికి చెందిన ఆనం రామనారాయణరెడ్డి ఇప్పుడు వినూత్న సమస్యలో చిక్కుకుని వున్నాడు. తన రాజకీయ భవిష్యత్‌ దృష్ట్యా ఎటువైపు అడుగులు వేయాలో తెలియని సందిగ్ధ స్థితిలో ఉన్నాడు. ఇటీవలే ఆనం రామనారాయణరెడ్డి తెలుగుదేశంపార్టీని వీడుతున్నట్లు జోరుగా ప్రచారం…

Newsletter