నెల్లూరులో నేడు (159)

vprఈ నెల 19, 20 తేదీలలో నెల్లూరు, కనుపర్తిపాడులోని విపిఆర్‌ కన్వెన్షన్‌ సెంటర్‌లో విపిఆర్‌ ఫౌండేషన్‌ ఆధ్వ ర్యంలో వికలాంగులకు ఉచిత వైద్య శిబి రాన్ని నిర్వహిస్తున్నారు. 19వ తేదీ రాజ్య సభ సభ్యులు వేమిరెడ్డి ప్రభాకర్‌రెడ్డి జన్మ దినోత్సవం సందర్భంగా వికలాంగులకు ఆయన జన్మదిన కానుకగా ఈ కార్యక్రమం ఏర్పాటు చేస్తున్నారు. 19వ తేదీ ఉదయం 9గంటలకు ప్రారంభమయ్యే ఈ కార్యక్ర మానికి ఎంపి వేమిరెడ్డి ప్రభాకర్‌రెడ్డి ముఖ్య అతిథిగాను, నెల్లూరు గ్రామీణ శాసన సభ్యులు కోటంరెడ్డి శ్రీధర్‌రెడ్డి, జిల్లా ఎస్పీ పిహెచ్‌డి రామకృష్ణ విశిష్ఠ అతిథులుగాను విచ్చేయనున్నారు. వికలాంగులు, కాళ్ళు లేని వారిని నిపుణులచే పరీక్షించి వారికి ఉచితంగా జైపూర్‌ ఫుట్స్‌ను అమరుస్తారు. శ్రీ భగవాన్‌ మహావీర్‌ వికలాంగుల సహాయ సమితి హైదరాబాద్‌ వారి సహకా రంతో విపిఆర్‌ ఫౌండేషన్‌ ఈ కార్యక్ర మాన్ని నిర్వహిస్తుంది. వికలాంగులు ఆధార్‌ కార్డు, రేషన్‌ కార్డు జెరాక్స్‌ కాపీలతో పాటు రెండు పాస్‌పోర్టు సైజ్‌ఫోటోలు తీసుకుని శిబిరానికి హాజరు కావాలని నిర్వాహకులు కోరుతున్నారు. వివరాలకు 7680944389, 8885831414 నెంబర్లలో సంప్రదించవచ్చు.

dummurఈ నిర్లక్ష్యానికి బాధ్యత ఎవరిది?..ఈ దౌర్భాగ్యానికి కారకులెవరు?..నెల్లూరు నగరాన్ని ఊపిరితిత్తుల జబ్బు పీడిస్తున్నా, దుమ్మురోడ్లతో జనం నిత్యం వ్యాధుల బారిన పడి ఛస్తున్నా అటు కార్పొరేషన్‌వారికిగానీ, ప్రజారోగ్య అధికారులకు గానీ, సంబంధిత కాంట్రాక్టర్లు..వారి సిబ్బందికి గానీ, వీటినన్నిటినీ ఏసీగదుల్లో కూర్చొని పర్యవేక్షిస్తున్న మంత్రులకు గానీ, నాయకులకు గానీ కనీసం దోమకుట్టినట్లు కూడా లేపోవడం నెల్లూరు ప్రజల దౌర్భాగ్యమనే అందామా?...నెల్లూరు జనం ఎప్పుడు చేసుకున్న పాప ఖర్మో అని సరిపెట్టుకుందామా?..

దుమ్ము... ధూళి అనేవి ప్రకృతిసిద్ధంగా వస్తుం టాయి. అవి ఎప్పుడో గాలి వీస్తేనో లేదా, పెనుగాలి రేగితోనో దుమ్ము పెద్దఎత్తున పైకిలేస్తుంది. కానీ, అది కొద్దిసేపే. ఇంతలో ఏ చిన్న వానజల్లు కురిస్తే చాలు.. ఆ దుమ్మంతా మాయమైపోతుంటుంది. అయితే, నెల్లూర్లో అలా కాదు. ఇక్కడ దుమ్ము ప్రత్యే కించి తయారయ్యింది. భూగర్భడ్రైనేజీ కోసం రోడ్లన్నీ తవ్వి, అక్కడక్కడా గుంతలు వదిలేయడం, రోడ్లపై క్వారీ డస్ట్‌ను పోసి దుమ్ముధూళితో నగరవాసులు రకరకాల వ్యాధుల బారిన పడుతున్నా రోజుల తరబడి పట్టించుకోకపోవడం ఏమిటని ప్రజలు ఆందోళన వ్యక్తం చేస్తున్నారు. దుమ్ము ప్రతిరోజూ ప్రజలకి నరకాన్ని చూపిస్తోంది. నోళ్ళకి, ముక్కులకి గుడ్డలు చుట్టుకున్నా లాభం లేదు. ఎంతసేపని అలా ఉండగలం?.. ఒక్క నిమిషం ఏమారితే చాలు, ఆ దుమ్మంతా ఊపిరితిత్తుల్లోకి చేరిపోతుంది. దీంతో ఇక ఊపిరి తీయలేక జనం పడే అవస్తలు వర్ణనా తీతం. అయినా, అధికారులు కానీ, సంబంధిత కాంట్రాక్టర్లు కానీ ఇవేమీ పట్టించుకోరు. ఎంత దుమ్ము.. ఎంత కాలుష్యం నగరాన్ని చుట్టుముట్టేసి జనాన్ని ఆసుపత్రులు పాలుచేస్తున్నా ఎవరికీ ఏమీ పట్టదు. అమాయకపు జనం ఉంటేనేం.. పోతేనేం అన్నట్లుంటారు మన నాయకులు. ఎన్నిసార్లు ఈ బాధలు పేజీలకు పేజీలు రాసినా ఎవరికీ దోమ కుట్టినట్లు కూడా ఉండదు. అధికారులు, కాంట్రాక్టర్లు, నాయకులు అంతా ఏసీ కార్లలో తలుపులు మూసుకుని హాయిగా, చల్లగా తిరుగుతుంటారు కనుక బయట జనం పడే అవస్తలు వారికి నల్ల అద్దాల్లోంచి కన పడవు. ఈ దుమ్ము, ధూళి ప్రజల ఆరోగ్యాలనెంత కలుషితం చేస్తోందో, చిన్నపిల్లలు, పెద్దలు, వృద్ధులు, గృహిణులు ఎంతమంది ఆ దుమ్ము వల్ల శ్వాసకోశ వ్యాధులకు గురై నెత్తీనోరు బాదుకుంటూ ఆసుపత్రుల్లో పడి అల్లాడుతున్నారో వారికి తెలియదు. తెలిసినా తెలియనట్లుండడమే వారి నైజం. మంచిరోడ్లు వేస్తారని జనం ఎంతో ఆశపడి సహకరిస్తున్నా, రోజులు గడిచిపోతూనే ఉన్నా, జనాన్ని దుమ్ములో వేయిస్తున్నారే తప్ప, ఈ దుమ్మురోడ్లను బాగుచేయక పోవడం ఏమిటని నగరప్రజలు తీవ్ర అసంతృప్తిలో ఉన్నారు. రోజంతా ఆ దుమ్మే పీలుస్తుండడంతో ఊపిరితిత్తులు ఊపిరి పీల్చలేక డస్సిపోతున్నాయని వృద్ధులు తీవ్ర ఆవేదన వ్యక్తం చేస్తున్నారు. ఇలాంటి బాధలతో ఎంతోమంది ఆసుపత్రుల చుట్టూ తిరుగు తున్నారు. కానీ జిల్లా ఉన్నతాధికారులు కానీ, కార్పొరేషన్‌ అధికారులు, నాయకులు కానీ పట్టించు కోవడం లేదు. రోడ్లమీద క్వారీడస్ట్‌ను తాత్కాలికంగా వేసి, ఆ తర్వాత మంచిరోడ్లు వేస్తారేమోనని జనం ఉగ్గబట్టి ఎదురుచూస్తూనే ఉన్నారు. కానీ, అలాంటి ఛాయలేమీ కనిపించడం లేదు. సరికదా, దుమ్ము రోడ్లపై దుమ్ము లేవకుండా నిర్ణీతసమయాల్లో నీరు చల్లడం వంటి కనీస కంటితుడుపు చర్యలు కూడా నామమాత్రంగానే చేపడుతున్నారు. దీంతో, ఆ రోడ్ల పక్కనే ఉన్న ఇళ్ళు, షాపుల్లో దుమ్ము పేరుకుపోతోంది. వంటినిండా దుమ్ము..ఇంటినిండా దుమ్మే అన్నట్లుగా ఈ దుమ్ముతో రోజూ చస్తున్నా కార్పొరేషన్‌ వాళ్ళు కార్లల్లో ఇదే దారిన వెళ్తూ చోద్యం చూస్తున్నారే తప్ప సత్వర చర్యలు తీసుకునేందుకు చొరవ చూపడం లేదని జనం తీవ్రంగా విమర్శిస్తున్నారు. ఒకవేళ ఈ బాధలు తాత్కాలికమే అనుకున్నా, ఎన్నిరోజులు ఇలా గడపాలో తెలియడం లేదని, ఈలోగా ఊపిరితిత్తులు కాస్తా పాడైపోతే పరిస్థితి ఏమిటని జనం ఆవేదన.

నగరంలోని ప్రధానరోడ్లలో ఒకటైన మాగుంట లే-అవుట్‌ రోడ్డు, మినీబైపాస్‌ రోడ్డు, పొదలకూరు రోడ్డు, ఏసినగర్‌, బాలాజీనగర్‌, దర్గామిట్ట ఇలా కనీసం ప్రధాన రోడ్లనైనా అధికారులు ఒక బృందంగా ఏర్పడి వెంటనే పరిశీలించి, ఎక్కడ వాటిని బాగు చేయాలో తక్షణ చర్యలు తీసుకుంటే తప్ప ఈ దుస్థితి మారదని ప్రజలు సూచిస్తున్నారు. దుమ్మురోడ్లను వెంటనే బాగుచేసి, త్వరగా మంచిరోడ్లు వేయాలని, కార్పొరేషన్‌ అధికారులకు, సంబంధిత నాయకులకు ఇకనైనా అలాంటి మంచిబుద్ధి కలిగించాలని నగర ప్రజలు నిత్యం వేయిదేవుళ్ళకు మొక్కుకుంటున్నారు.

roadsనెల్లూరు నగరంలో ఈ మధ్యంతా కూడా డ్రైనేజీ పనులు ముమ్మరంగా చేశారు. ఏ ప్రాంతంలో చూసినా సైడు కాలువల పనులు బాగానే జరుగుతూ కనిపించాయి. అయితే ఈ డ్రైనేజీల నిర్మాణం వల్ల అనుకున్న మైలేజీ రావడం లేదని మున్సిపల్‌ మంత్రి పి.నారాయణకు అర్ధమైపోయింది. ఎందుకంటే నగరంలో భూగర్భ డ్రైనేజీ కోసం అన్ని రోడ్లను పగలగొట్టిపెట్టారు. ప్రజలు నరకయాతన అనుభవిస్తున్నారు. పాలకులను జనాలు రోజూ తిట్టుకోవడమే పనవుతోంది. దీనిని గ్రహించిన నారాయణ నగరంలో రోడ్ల పనులపై దృష్టి పెట్టారు. ఎస్సీ సబ్‌ ప్లాన్‌ నిధులను నెల్లూరుకు బాగానే తెచ్చి దీని క్రింద ముమ్మరంగా రోడ్ల పనులు మొదలుపెట్టించారు.

trafficజమ్మూ కాశ్మీర్‌లో ఉగ్రవాదాన్న యినా పూర్తిగా తుడిచిపెట్టొచ్చేమోగాని నెల్లూరు నగరంలో ట్రాఫిక్‌ సమస్యను ఒక దారికి తేవడం మాత్రం ఎవరి వల్లా అయ్యే పనికాదు. ఏ ఎస్పీకైనా నెల్లూరులో పెద్ద సవాల్‌ ట్రాఫిక్కే! కొందరు ఎస్పీలు మాకెందుకొచ్చిన తలనొప్పిలే అని దాని గురించే పట్టించుకోరు. ఇంకొందరు జనం అవస్థలు చూడలేక కొంతన్నా సరి దిద్దాలనే ప్రయత్నం చేస్తారు. ప్రస్తుత ఎస్పీ రామకృష్ణ అదే ప్రయత్నం చేస్తున్నారు.

రోడ్లు ఎలాగూ పెంచలేరు. వాహనా లను తగ్గించలేరు. కనీసం కొన్ని మార్పు లతో ట్రాఫిక్‌ను సరిదిద్దాలనుకున్నారు. ఇందులో భాగంగానే కె.వి.ఆర్‌ పెట్రోల్‌ బంకు వద్ద వున్న జంక్షన్‌ను మూసి వేయించి అటూ ఇటూ కొంచెం దూరంలో సిండికేట్‌ బ్యాంకు వద్ద, కస్తూరిదేవి స్కూల్‌ వద్ద వాహనాలు మలుపులు తిరిగేలా డివైడర్లు ఏర్పాటు చేయించారు. దీనివల్ల జంక్షన్‌లో రోడ్డు దాటడం కోసం ఒక్కో రోడ్డులో వాహనాలను ఆపేసి ఇంకో రోడ్డులో వాహనాలను పంపే పరిస్థితి

ఉండదు. ఇక్కడ మలుపు తిరిగి ఎటువైపు వెళ్ళే వాహనాలు అటు వెళ్లొచ్చు. ట్రాఫిక్‌ సిగ్నల్స్‌ అవసరం లేని పద్ధతి ఇది. కాక పోతే మలుపు తిరిగే చోట రోడ్డును ఇంకా వెడల్పు చేయాలి. దాని వల్ల నేరుగా వచ్చే వాహనాలకు మలుపు తిరుగుతున్న వాహ నాలతో ఇబ్బంది వుండదు. మలుపు తిరిగే చోట రోడ్డు ఇరుకు వల్ల యధా తధంగా ట్రాఫిక్‌జాం అవుతుంది. గాంధీ బొమ్మ, రామలింగాపురం జంక్షన్‌ల వద్ద కూడా ఇదే పద్ధతిని అనుసరిస్తున్నారు. వాహనాలు మలుపు తిరిగే చోట రోడ్డు వెడల్పు చేసి మలుపు తిరిగే వాహనాలకు, అలాగే నేరుగా వచ్చే వాహనాలకు విడివిడి లైన్‌లు కేటాయిస్తే ఈ విధానం విజయ వంతమవుతుంది.

tyagarajఈ నెల 6వ తేది నుంచి 13వ తేది వరకు 53వ శ్రీ త్యాగరాజ స్మరణోత్స వాలను స్థానిక రేబాల లక్ష్మీనరసారెడ్డి పురమందిరంలో ఎంతో వైభవంగా నిర్వ హించేందుకు ఏర్పాట్లు చేస్తున్నారు. ఈ ఏడు రోజులు ప్రసిద్ధులైనవారిచే సంగీత కార్యక్రమాలు నిర్వహిస్తారు. అందుకోసం గత కొద్దిరోజులుగా త్యాగరాజస్వామి ఆరాధకులు నెల్లూరులో వీధివీధినా తిరుగుతూ, శ్రీ త్యాగరాజస్వామి కీర్తనలను గానం చేస్తూ, జోలెకట్టి భిక్ష పట్టారు. ఈ ఉత్సవాల సందర్భంగా శ్రీ త్యాగరాజ స్వామి సంకీర్తనలతో, భక్తిగీతాలతో పుర మందిర ప్రాంగణం పరవశించిపోతుంది. శ్రీ త్యాగరాజస్వామి ఆరాధకులైన దివం గత శ్రీపతి పండితారాధ్యుల సాంబ మూర్తి, దివంగత యనమండ్ర వేంకటేశ్వర శాస్త్రిలు అప్పట్లో నెల్లూరు నలుమూలలా త్యాగరాజ కీర్తనలను ఆలపిస్తూ, జోలెకట్టి భిక్షపట్టి సంగీతసేవ నిర్వహించిన విషయం అందరికీ తెలిసిందే. శ్రీ త్యాగరాజ ఆరా ధనలతో నెల్లూరును మరో తిరువ య్యార్‌లా తలపింపజేసిన మహానుభావులు వారు. ఆ మహనీయులు చేపట్టిన శ్రీ త్యాగరాజ స్మరణోత్సవాలను త్యాగరాజ స్వామి భక్తులు, సింహపురి ప్రజలందరి సహకారంతో శ్రీ త్యాగరాజ స్మరణోత్సవ సభవారు నేటికీ కొనసాగిస్తూనే ఉండడం ఎంతైనా విశేషం. ఎంతో మహనీయమైన ఈ కార్యక్రమాన్ని కొనసాగించేందుకు ఏర్పడిన భిక్షాటనాపూర్వక శ్రీ త్యాగరాజ స్మరణోత్సవ సభ కమిటీకి శ్రీపతి పండితా రాధ్యుల సాంబమూర్తి తనయుడైన విఖ్యాత గాయకుడు డా. ఎస్పీ బాలసుబ్రహ్మణ్యం శాశ్వత అధ్యక్షులుగా, యనమండ్ర వేంకటేశ్వరశాస్త్రి కుమారుడైన నాగదేవి ప్రసాద్‌ శాశ్వత కార్యదర్శిగా, మాచవోలు రాజశేఖరశాస్త్రి గౌరవాధ్యక్షులుగా, చతు ర్వేదుల శ్రీరామమూర్తి అధ్యక్షులుగా

ఉంటూ, ఆ కమిటీ ఆధ్వర్యంలో త్యాగరాజ స్మరణోత్సవాలను ప్రతిఏటా అంగరంగ వైభవంగా నిర్వహిస్తున్నారు. నెల్లూరు నగరానికి ఆ సంగీత భక్తి పరిమళాలను ప్రతి ఏటా పంచుతూనే ఉన్నారు. ఈ ఏడాది మార్చి 6వ తేది నుంచి 12వతేది వరకు జరిగే ఈ స్మరణోత్సవాల్లో భాగంగా తొలిరోజైన 6వ తేది ఉదయం 7 గంట లకు నెల్లూరు వేదాయపాళెంలోని త్యాగ రాజ మందిరం నుంచి శ్రీ సీతారామ లక్ష్మణ హనుమత్సమేత శ్రీ త్యాగరాజ విగ్రహాలను, శ్రీ త్యాగరాజస్వామి చిత్ర పటాన్ని ఊరేగింపుగా తీసుకువచ్చి టౌన్‌ హాలులో ప్రతిష్టించి, పూజలు నిర్వహిస్తా మని కార్యదర్శి యనమండ్ర నాగదేవి ప్రసాద్‌ తెలిపారు. ఈ ఉత్సవాల్లో ప్రతి రోజూ ప్రముఖులైన వారెందరో పాల్గొని ఎంతో భక్తిశ్రద్ధలతో సంగీత కచ్చేరీలు, హరికథా గానాలు, గాత్రకచ్చేరీలు, నాద స్వర కచ్చేరీలు వంటి భక్తి కార్యక్రమాలను నిర్వహిస్తారని, ప్రజలు..భక్తులందరూ విచ్చేసి ఈ కార్యక్రమాలను జయప్రదం చేయాలని ఆయన కోరారు.

13న 'జీవన దర్శనం' పుస్తకావిష్కరణ

హరికథా భిక్షువు శ్రీపతి పండితారాధ్యుల సాంబమూర్తి అయ్యవారి 'జీవన దర్శనం' పుస్తకాన్ని ఈ ఉత్సవాల్లో 13వతేదీన ఆవిష్కరిస్తారు. ఎమ్మెస్‌ సూర్యనారాయణ రచించిన ఈ పుస్తకాన్ని సాంబమూర్తిగారి సతీమణి, విశ్వవిఖ్యాత గాయకుడు ఎస్‌పి బాలసుబ్ర హ్మణ్యం తల్లిగారైన శ్రీపతి పండితారాధ్యుల శకుంతలమ్మ ఆవిష్కరిస్తారు. ఈ సభను డా. ఎస్పీ బాలసుబ్రహ్మణ్యం నిర్వహిస్తారు. ఈ కార్యక్రమానికి ఆత్మీయ అతిథులుగా సినీప్రముఖులు సిరివెన్నెల సీతారామశాస్త్రి, తనికెళ్ళ భరణి, వెన్నెలకంటి రాజేశ్వర ప్రసాద్‌లతో పాటు, ప్రముఖ పారిశ్రామికవేత్త కె.ఇ వరప్రసాద్‌రెడ్డి, లాయర్‌ వారపత్రిక అధినేత తుంగా శివప్రభాత్‌రెడ్డి, మురళీకృష్ణ హోటల్స్‌ అధినేత గ్రోసు గోపాలయ్య, మురళీకృష్ణ హోటల్స్‌ సారధి వీరిశెట్టి హజరత్‌బాబు పాల్గొంటారు. ఈ సందర్భంగా బ్రహ్మశ్రీ చాగంటి కోటేశ్వరరావుచే ప్రవచనం ఉంటుందని నిర్వాహకులు తెలిపారు.

ranganనెల్లూరు రంగనాయకులపేటలో వేంచేసియున్న శ్రీదేవి, భూదేవి సమేత శ్రీ త్పగిరి రంగ నాథస్వామి వారి దేవస్థానంలో ఈ నె 25వ తేదీ నుంచి మార్చి 8వతేదీ వరకు బ్రహ్మోత్సవాలు జరుగనున్నాయి. ఈమేరకు ఈ నె 20న దేవస్థానం ప్రాంగణంలో ఆయ ఛైర్మెన్‌ మంచికంటి సుధాకర్‌రావు, ఇ.ఓ కోవూరు జనార్ధన్‌రెడ్డి బ్రహ్మోత్సవా ఆహ్వానపత్రికు, గోడ పత్రికను ఆవిష్క రించారు. మార్చి 2న గరుడసేవ, 3న కళ్యాణం, 4న రథోత్సవం, 8వ తేదీ తెప్పోత్సవాన్ని అత్యంత వైభవంగా నిర్వ హించనున్నారు.

plasticస్వచ్ఛసర్వేక్షన్‌లో నెల్లూరును దేశంలోనే 20వ స్థానంలో నిలపాలంటూ మంత్రి నారాయణ, మేయర్‌ అజీజ్‌ ఫోటోలతో నగరంలో అక్కడక్కడా ఫ్లెక్సీలు చూస్తున్నాం. నిజమే... స్వచ్ఛసర్వేక్షన్‌లో నెల్లూరును అగ్రగామిగా తీర్చిదిద్దడానికి అందరు కూడా సహకరించాలి. దేశంలో నెల్లూరుకు 20వ స్థానం కాదు, 1వ స్థానం వచ్చినా ఆనందమే! అసలు ఏ స్థానం రాకున్నా నగరం పరిశుభ్రంగా వుంటే ఇంకా ఆనందం. నెల్లూరును పరిశుభ్ర నగరాల జాబితాలో టాప్‌టెన్‌లో నిలపాలంటే ఎంతోకొంత ఖర్చుతో కూడుకున్న పని. అసలు నయాపైసా ఖర్చు లేకుండా చేయగల పని నెల్లూరును ప్లాస్టిక్‌ క్యారీ బ్యాగుల రహిత నగరంగా మార్చడం. మున్సిపల్‌ మంత్రిగా వున్న పి.నారాయణే ముందుగా దీనికి పూనుకోవాలి. ప్లాస్టిక్‌ బ్యాగులు వాడని తొలి కార్పొరేషన్‌గా నెల్లూరును తయారుచేయాలి. ఆయన తలచుకుంటే ఇది పెద్ద సమస్య కూడా కాదు.

నేటి మానవసమాజాన్ని ప్లాస్టిక్‌ సంచులు ఏ విధంగా ఆక్రమించాయో చూస్తూనే వున్నాం. నిద్ర లేచింది మొదలు నిద్రపోయేదాకా మన దైనందిన కార్యకలాపాలలో అవి ప్రధానపాత్ర పోషిస్తున్నాయి. ఉదయాన్నే ప్లాస్టిక్‌ పాలప్యాకెట్‌తోనే జీవితం మొదలవుతుంది. ప్లాస్టిక్‌ కవర్లలో కూరగాయలు, ప్లాస్టిక్‌ క్యాన్‌లలో

నీళ్ళు... ప్లాస్టిక్‌ కవర్‌లు, ప్లాస్టిక్‌ డబ్బాలలో టిఫిన్‌, వేడివేడి సాంబార్‌ పార్సిళ్ళు, ప్లాస్టిక్‌ బౌల్స్‌లో బిర్యాని పార్శిళ్ళు, ప్లాస్టిక్‌ కవర్లలో కర్రీస్‌ పార్సిల్‌... ఇలా ఒకటేమిటి... ప్రతి చోటా మనకు ప్లాస్టిక్‌ క్యారీ బ్యాగులు నిత్యావసర వస్తువులుగా మారాయి.

ప్లాస్టిక్‌ క్యారీ బ్యాగులతో వచ్చే అనర్ధాల గురించి ప్రతి రోజూ వైద్యులు చెబుతూనే వున్నారు. క్యాన్సర్‌ వంటి ప్రాణాంతక వ్యాధితో పాటు మరెన్నో వ్యాధులకు ఈ ప్లాస్టిక్‌ భూతమే కారణం. ప్లాస్టిక్‌ తొందరగా మట్టిలో కలిసిపోదు, డ్రైనేజీ కాలువల్లో ఈ కవర్లు పడితే డ్రైనేజీ బ్లాక్‌ అవుతుంది. చెత్తకుండీల వద్ద పడివున్న వృధా ఆహారపదార్ధాలతో పాటు ఈ ప్లాస్టిక్‌ కవర్లను మింగేయడం వల్ల ఆవులు మృత్యువాత పడుతున్నాయి. పర్యావరణానికి, ప్రజల ప్రాణాలకు చేటుగా మారిన ప్లాస్టిక్‌ క్యారీ బ్యాగులను నిషేధించాలని గతంలోనే సుప్రీంకోర్టు ఆదేశించింది. 40మైక్రాన్లలోపు ప్లాస్టిక్‌ కవర్లు అమ్మకూడదని ప్రభుత్వం కూడా నిషేధం పెట్టింది. అయితే నెల్లూరులో ప్లాస్టిక్‌ నిషేధం అమలు కావడం లేదు. గతంలో నాలుగైదు సార్లు దాడులు నిర్వహించి, ప్లాస్టిక్‌ క్యారీ బ్యాగులను స్వాధీనం చేసుకుపోవడం తప్పితే పకడ్బందీగా అమలు చేసిన దాఖలాలు లేవు. ముందు ప్లాస్టిక్‌ క్యారీ బ్యాగుల ఉత్పత్తులను నిలిపేయాలి. దుకాణాలలో గుడ్డసంచులు లేదా జనపనార సంచులు మాత్రమే అమ్మాలి. నిషేధించిన ప్లాస్టిక్‌ క్యారీ బ్యాగులను అమ్మే లేదా వాడే వ్యాపార దుకాణాలపై గట్టి చర్యలు తీసుకోవాలి. అధికారులతో తరచు తనిఖీలు నిర్వహిస్తుంటే ప్రజలు కూడా క్రమక్రమంగా ప్లాస్టిక్‌ క్యారీ బ్యాగుల వాడకాన్ని తగ్గించుకుంటారు.

marketనెల్లూరు ఏ.సి కూరగాయల మార్కెట్‌... తూకాలలో నిలువెత్తు మోసం... రెండు కిలోల టమోటాలు 20 రూపాయలంటారు... అక్కడ కొని ఇంకో చోట తూకం వేస్తే ఒకటిన్నర కిలో కూడా వుండవు. ఏ కూరగాయ లైనా కనీసం అరకేజీ తీసుకోవాలి. పావుకిలో అడిగిన వాళ్ళను చాలా చీప్‌గా చూస్తారు. కూరగాయలు ఏరుకోవడం అసలే వుండదు. ఎవరన్నా మంచివి ఏరుకుందామని గంపల్లో చేతులు పెడితే పురుగును విదిల్చినట్లు విదిలిస్తారు. ఇష్టముంటే కొనండి, లేకుంటే పోండి అన్నట్లు ఈసడించుకుంటారు. గతిలేక ఇక్కడ కూరగాయలు కొనాల్సిందే!

గతంలో ప్రభుత్వం నగరంలో రెండు చోట్ల రైతుబజార్‌లను ఏర్పాటు చేసినా అక్కడ అన్నిరకాల కూరగాయలు దొరికే పరిస్థితి లేకపోవడంతో కాలక్రమేణ అవి మూతపడ్డాయి. ఏ.సి కూర గాయల మార్కెట్టే కింగ్‌ అయ్యింది.

ఇక్కడ తూకాల మోసాలు, నకిలీ లైసెన్స్‌లపై ఎన్నోసార్లు కలెక్టర్‌, జేసీ, తూ.కో శాఖాధి కారులు దాడులు చేసారు. ఎన్నో అక్రమాలను వెలుగులోకితెచ్చారు. తూకాల్లో తేడాలను తేల్చారు. ఒకరి లైసెన్స్‌లతో ఇంకొకరు వ్యాపారం చేయడం గుర్తించారు. వ్యాపా రులకు హెచ్చరికలు చేశారు. అయినా ఏం లాభం... మార్కెట్‌లో మోసాలు ఆగిం దెప్పుడు? మొన్న కూడా ప్రకాశం, నెల్లూరు జిల్లాల తూనికలు కొలతల శాఖాధికారులు ఏ.సి మార్కెట్‌లో భారీఎత్తున దాడులు నిర్వహించారు. కాటాల్లో మోసాలు, తూకాల్లో తేడాలు గుర్తించారు. అయినా ఏం లాభం... మార్కెట్‌లో మోసాలు ఆగేది లేదు... వినియోగదారులకు న్యాయం జరిగేదీ లేదు.

Friday, 02 February 2018 13:50

మారని మువ్వా!

Written by

muvvaఒక్కొక్కరికి ఒక్కో సహజ లక్షణం ఉం టుంది. ఎన్ని చెప్పినా, ఎన్నిసార్లు పనిష్‌ మెంట్లు ఇచ్చినా ఆ సహజలక్షణాన్ని మార్చు కోలేరు. పుట్టుకతో వచ్చిన బుద్ధి పుడకలతో గాని పోదంటారు కదా... ఈ సహజ లక్షణాలు కూడా అటువంటివే!

మువ్వా రామలింగం... ఈ పేరు వినగానే జిల్లాలో ఎవరికైనా గుర్తొచ్చేది వివాదాలు, అక్రమాలు. ఎక్కడ పనిచేస్తున్నా, లేదా ఎక్కడకి బదిలీపై వెళ్తున్నా ఆయన వివాదాలను చంకలో పెట్టుకుని పోతుంటాడు. జిల్లా విద్యాశాఖాధికారిగా వుంటూ పలు ఆరోపణలకు గురైన మువ్వాను గత ఏడాది సెప్టెంబర్‌లో ప్రభుత్వానికి సరెండర్‌ చేశారు. అయితే ఆయన జిల్లాలోనే వుండాలని చెప్పి పైరవీలు చేసి బి.ఇడి కళాశాల ప్రిన్సిపాల్‌గా పోస్టింగ్‌ తెచ్చుకుని గత ఏడాది నవంబర్‌ 1న బాధ్యతలు తీసుకున్నాడు. అయితే కొద్ది రోజులకే మళ్ళీ అక్కడ వివాదాలకు ఆజ్యం పోశాడు. మువ్వా చర్యలపై ఆగ్రహించిన అక్కడి సిబ్బంది, బిఇడి ట్రైనింగ్‌ విద్యార్థులు, పాఠశాలల విద్యాశాఖ కమిషనర్‌కు, జిల్లా కలెక్టర్‌కు ఫిర్యాదు చేశారు. ఇటీవల నెల్లూరుకొచ్చిన విద్యాశాఖ కమిషనర్‌ సంథ్యారాణి కూడా బి.ఇడి కళాశాల గొడవలపై కలెక్టర్‌ను వివరణ కోరినట్లు తెలిసింది. దీంతో కలెక్టర్‌ ఆదేశాలతో తెలుగుగంగ స్పెషల్‌ కలెక్టర్‌ శ్రీమతి ప్రశాంతి బి.ఇడి కళాశాలలో ఏం జరిగిందనే దానిపై విచారించి కలెక్టర్‌కు నివేదిక ఇచ్చారు. ఈ నివేదిక ఆధారంగానే మువ్వా రామలింగంను బి.ఇడి కళాశాల ప్రిన్సిపాల్‌ బాధ్యతల నుండి తప్పిస్తూ ప్రభుత్వానికి సరెండర్‌ చేస్తూ ఉత్తర్వులు జారీ చేశారు. బి.ఇడి కళాశాలకు ఇన్‌ఛార్జ్‌ ప్రిన్సిపాల్‌గా డి.ఇ.ఓ శ్యామ్యూల్‌ను నియమించారు.

తన ఉద్యోగ జీవితంలో మువ్వా రామలింగం వివాదాలు లేకుండా పని చేసిన దాఖలాలు లేవు. 1997 ప్రాంతంలో జిల్లా డిప్యూటి డి.ఇ.ఓగా పని చేశాడు. అప్పుడంతా వివాదాలు, అయ్యవార్లతో విభేదాలమయమే. ఆ తర్వాత గుంటూరు, కర్నూలు, ఒంగోలులలో డి.ఇ.ఓగా పని చేసినా గొడవలు, ఏసిబి కేసులు. నెల్లూరుకు వచ్చాక కూడా అదే వివాదాలు... ఇతను మారడంతే!

opvనెల్లూరీయులు నిత్యావసర వస్తు వుల కోసం ఇక నానా హైరానా పడనక్కరలేదు. నేరుగా, మీ ఇంటికే..మీ చెంతకే అందుబాటులోకి వచ్చేసింది ఆన్‌లైన్‌ ప్రొవిజన్స్‌. ఇక ఏ చింతా అక్కరలేదు. మీ ఇంటికి అవసరమైన నిత్యావసర సరుకులు, ఎలక్ట్రానిక్స్‌ వస్తువులు, ఫ్యాన్సీ ఐటమ్స్‌, బేబి టాయ్స్‌, బర్త్‌డే కేక్స్‌..ఏది కావాలన్నా సరే, ఒక్క ఫోన్‌తోనే మీరు వాటిని పొందే సదవకాశం వచ్చేసింది. అధునాతన సాంకేతిక పరిజ్ఞానం శరవేగంగా దూసుకుపోతున్న ఈ కాలంలో మనకు అవసరమైన వస్తువులను తెచ్చుకు నేందుకు తగిన సమయం కూడా ఉండాలి. ఎంతెంతో దూరం వెళ్లి వాటిని తెచ్చుకోవాలి. ఇక, అలాంటి శ్రమ ఏదీ ఉండదు. ఫోన్‌ ద్వారానైనా, వాట్సాఫ్‌ ద్వారానైనా సరే మీరు ఆర్డర్‌ చేస్తే చాలు... ఆయా వస్తువులు మీ ఇంటి ముంగిట్లోకి వచ్చి వాలుతాయి. నాణ్యత, సరసమైన ధర, ఫ్రీ హోమ్‌ డెలివరీ అన్నీ కలగలిసి మీ చెంతకు వచ్చేసింది.. ఆన్‌లైన్‌ ప్రొవిజన్స్‌. ఈ అవకాశాన్ని సద్వినియోగం చేసుకోండి. 'ఆన్‌లైన్‌ ప్రొవిజన్స్‌ డాట్‌ కామ్‌'పై క్లిక్‌ చేస్తే మీరు కొనుగోలు చేయాలనుకున్న వస్తువులు మీ ఇంట్లో

ఉన్నట్లే. సింహపురి ప్రజలకు ఇదే మా ఆహ్వానం. మా ద్వారా మీకు కావాల్సిన సమాచారాన్ని 'ఆన్‌లైన్‌ ప్రొవిజన్స్‌' ఫోన్‌ నంబర్లు : 9291292913, లేదా 9866770305 లతో సంప్రదించవచ్చు.

Page 1 of 12

newsbottomad

ఎక్కువగా చదివిన వార్తలు

  • ఉదయగిరిలో... 'రెడ్డి' కోసం 'దేశం' అన్వేషణ
    రాజకీయ చైతన్యానికి పేరుపడ్డ నియోజకవర్గంలో రాజకీయ పార్టీలకు గెలుపు పెద్దసవాల్‌! పార్టీ ప్రభంజనాల కంటే పోటీచేసే అభ్యర్థి ప్రభావమే ఇక్కడ ఓటర్లపై బలంగా వుంటుంది. అభ్యర్థి సమర్ధత, వ్యక్తిత్వాన్ని బట్టే ఇక్కడ గెలు పోటములుంటాయి. గత మూడున్నర దశాబ్దాల రాజకీయ చరిత్రను…
  • 'నిప్పో'కు రైట్‌ రైట్‌
    గత కొద్దికాలంగా రాజకీయ నాయకుల నోళ్ళలో నానుతూ రాజకీయ అంశంగా మారిన 'నిప్పో' పరిశ్రమకు సంబంధించిన 13.02 ఎకరాల భూమి కన్వర్షన్‌కు సంబంధించిన అంశం ఎట్టకేలకు నెల్లూరు నగరపాలక సంస్థ ఆమోదం పొందింది. 12వ తేదీ జరిగిన కార్పొరేషన్‌ కౌన్సిల్‌ సమావేశంలో…
  • ఆ ఒక్కడే వణికిస్తున్నాడు!
    నాలుగు దశాబ్దాల రాజకీయ అనుభవం... ముఖ్యమంత్రిగా 13ఏళ్ళ సర్వీసు... రెండుసార్లు మంత్రి... ఏడుసార్లు ఎమ్మెల్యే... జాతీయ రాజ కీయాలలో గిర్రున చక్రం తిప్పిన నేర్పరితనం... యునైటెడ్‌ ఫ్రంట్‌ కన్వీనర్‌... ఇన్ని వున్న చంద్రబాబునాయుడును నిండా 45ఏళ్ల వయసుండని వై.యస్‌. జగన్మోహన్‌రెడ్డి ముప్పతిప్పలు…
  • 'ఆనం' సరే.. మరి ఆదాల...?
    ఇది నిజంగా ఆశ్చర్యం గొలిపే పరిణామం. నెల్లూరుజిల్లాలో ''ఆనం'' రాజకీయ ప్రస్థానంలో ఇదో అనూహ్య మజిలి. తెలుగుదేశం ఆ తరువాత కాంగ్రెస్‌ మళ్ళీ తెలుగుదేశం ప్రస్తుతం వై.యస్‌.ఆర్‌ కాంగ్రెస్‌పార్టీ. జిల్లాలో 'ఆనం' అంటే బలమైన పేరుంది. ఆనం వర్గం అంటూ వారికి…
  • అమ్మో... దొంగల ముఠా
    కరుడుగట్టిన కిరాతకులు వాళ్ళు... మంచితనం, మానవత్వం ఉండదు... దయ, కరుణ మచ్చుకైనా కానరావు... పిల్లా, పెద్ద అనే తేడా లేదు... ఇంట్లో దూరితే అందర్నీ చంపేయడం, అందినకాడికి దోచుకునిపోవడం... దోచుకున్న ఇంట్లోనే భోం చేయడం, అక్కడే మలమూత్రాలు విసర్జించడం... ఈ ముఠా…

Newsletter