07 July 2017 Written by 

మద్యానికి కటకట

bar katakataమండు వేసవిలో జనం మంచినీళ్ళ కోసం కటకటలాడుతున్నారంటే అర్ధ ముంది. బోర్ల ముందు, ట్యాంకర్ల ముందు బిందెలతో క్యూ కట్టారంటే అర్ధముంది. మరి టీ షాపుల కంటే బెల్టు షాపులు, ఫ్యాన్సీ షాపుల కంటే వైన్‌షాపులు ఎక్కు వుగా వున్న ఈ రాష్ట్రంలో మందుబాబులు మద్యానికి కటకటలాడడమేమిటి? ఈ సందేహం అందరికీ రావచ్చు. కాని ఈ నెల 1, 2, 3తేదీలలో మందుబాబులు మద్యం కోసం అలాగే కటకటలాడిపోయారు.

జూలై 1వ తేదీ నుండి రాష్ట్రంలో కొత్త ఎక్సైజ్‌ పాలసీ అమలులోకి రావడం జరిగింది. జిల్లాలో 349 వైన్‌షాపులు, 43 బార్‌లు వున్నాయి. మూడు నెలల క్రితమే మద్యం దుకాణాలకు లాటరీ నిర్వహించి దుకాణాలను కేటాయించడం జరిగింది. అయితే కొత్త వైన్‌షాపులు, బార్లకు సుప్రీం కోర్టు ఆదేశాలు ప్రతిబంధకంగా మారాయి. జాతీయ, రాష్ట్ర రహదారులకు అరకిలోమీటరు దూరంలో వైన్‌షాపులు ఏర్పాటు చేసుకోవాలి. అలాగే గుడి, బడి, ఆసుపత్రుల విషయంలోనూ నిబంధనలు పాటించాలని సుప్రీం గట్టిగానే చెప్పింది. సుప్రీంకోర్టు నిబంధనలను తూ.చ తప్పకుండా పాటిస్తే మద్యం వ్యాపారులు ఎత్తిపోతారని భావించి, వారిపట్ల జాలి చూపించిన రాష్ట్ర ప్రభుత్వం జిల్లా వ్యాప్తంగా 42కిలోమీటర్లు జాతీయ, రాష్ట్ర రహదారులను జిల్లా ప్రధాన రహదారిగా డీనోటిఫై చేసింది. అయినా లాటరీ తగిలిన వాళ్లెవరూ 1వ తేదీ దుకాణాలు తెరవలేదు. జిల్లా వ్యాప్తంగా వైన్‌షాపులు మూత పడడంతో మద్యం కోసం మందుబాబులు అర్రులుచాచారు. ఫలానాచోట మద్యం అమ్ముతున్నారని ఎవరన్నా అంటే చాలు... అటువైపు పరుగులు తీసారు. ఈ రెండురోజులు మద్యం డిమాండ్‌ను దృష్టిలో పెట్టుకుని మద్యాన్ని స్టాక్‌ పెట్టుకున్న వాళ్లు వాటిని రెండింతల ధరకు అమ్మి సొమ్ము చేసుకున్నారు.



Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com Email This email address is being protected from spambots. You need JavaScript enabled to view it.

newsbottomad

ఎక్కువగా చదివిన వార్తలు

  • తప్పెవరిది?
    నెల్లూరుజిల్లా డిఇఓగా మువ్వా రామలింగం వస్తున్నాడని తెలిసి జిల్లాలో అన్ని ఉపాధ్యాయ సంఘాలు ఆందోళనలు నిర్వహించాయి. మాకీ డిఇఓ వద్దంటూ ఉపాధ్యాయులు నెత్తి నోరు బాదుకుని చెప్పారు. 'పోకిరి' సినిమాలో మహేష్‌బాబు పోలీసు ఆఫీసర్‌ అని తెలిసాక అతని ట్రాక్‌రికార్డు గురించి…
  • దుగరాజపట్నం పోర్టు... చించేసిన చీటీకి పాకులాట!
    మొన్నటిదాకా దుగరాజపట్నం పోర్టు సాధిస్తానంటూ మాజీఎంపీ చింతా మోహన్‌ కలరింగ్‌ ఇచ్చాడు. ఈమధ్య ఆయన సైలంట్‌ అయ్యాడు. తాజాగా తిరుపతి ఎంపి వెలగపూడి వరప్రసాదరావు పోర్టు పాటందుకున్నాడు. పోర్టు సాధన కోసమంటూ మొన్న ఒకరోజు దుగరాజపట్నంలో దీక్ష కూడా చేశాడు. కాని,…
  • 'దేశం'ను వెంటాడుతున్న... గెలుపుగుర్రాల కొరత
    నంద్యాల, కాకినాడలలో గెలుపుతో తెలుగుదేశం వర్గాల్లో ఉత్సాహం ఉరకలెత్తుతున్నా నెల్లూరుజిల్లా తెలుగు దేశం పార్టీలో మాత్రం గెలుపుగుర్రాల కొరత ఆ పార్టీని వెంటాడుతోంది. వైసిపికి బలమైన జిల్లా ఇది. వైకాపాను ధీటుగా ఎదుర్కోవాలంటే గెలుపుగుర్రాల ఎంపికపై పెద్ద ఎత్తునే కసరత్తు చేయాల్సివుంది.…
  • 'కిమ్‌'ను దారికి తెచ్చిన నెల్లూరోళ్ళు
    దూకుడు తగ్గించిన ఉత్తర కొరియా... ఆగిన మిస్సైల్స్‌ ప్రయో గాలు... అంతు తెలియని వ్యాధితో బాధపడుతూ మంచాన పడ్డ ఉత్తర కొరియా అధినేత కిమ్‌... మధ్యప్రాచ్య దేశాలలో వెల్లివిరుస్తున్న శాంతి... తొలగిన యుద్ధభయాలు... కిమ్‌ త్వరగా కోలుకుని సంపూర్ణ ఆరోగ్య వంతుడు…
  • కాంగ్రెస్‌లోనే ఉంటారా?
    రాజకీయాలలో ఆత్మహత్యలు తప్ప హత్యలుండవనేందుకు పెద్ద ఉదాహరణ ఆంధ్రప్రదేశ్‌లో కాంగ్రెస్‌పార్టీకి పట్టిన దుస్థితి. కష్టకాలంలో కూడా కాంగ్రెస్‌పార్టీని ఆదుకున్న రాష్ట్రమిది. 1983లో ఎన్టీఆర్‌ తెలుగుదేశం పార్టీని పెట్టే ముందువరకు కూడా ఈ రాష్ట్రంలో కాంగ్రెస్‌కు ఎదురన్నది లేదు. కాంగ్రెస్‌ను, ఇందిరాగాంధీ కుటుంబాన్ని…

Newsletter