07 July 2017 Written by 

నోర్లు తెరిచిన బోర్లు.. మృత్యువుకు రహదార్లు

bore holeబోర్లు నోర్లు తెరిచాయంటే.. అవి మృత్యువుకు రహదార్లనే తెలుసుకోవాలి. నిర్లక్ష్యంగా బోర్లను తవ్వి వదిలేస్తే అవే మనపాలిట మృత్యుకూపాలవుతాయి. నీళ్ళ కోసం బోర్లు తవ్వుకుంటే, అటు నీళ్ళు రాకపోగా..ఆ బోర్ల గుంతలు చావుగుంతలుగా మారుతుంటాయి. అందుకే, బోర్లు తవ్వుకునేవారు ఎంతో అప్రమత్తంగా ఉండాలని, లేకుంటే ప్రాణాలకే ప్రమాదకరమని ప్రభుత్వం పదేపదే హెచ్చరిస్తోంది.

ఇటీవల తెలంగాణాలో ఒక చిన్నారి ఆడుకుంటూ పొరపాటున బోరుగుంతలో పడి ప్రాణాలు కోల్పోయిన దురదృష్టకర సంఘటన నేపథ్యంలో, నిరుపయోగంగా వదిలేసే బోరుగుంతల పట్ల ప్రజలు, అధికారులు అప్రమత్తంగా ఉండాలని ప్రభుత్వం స్పష్టం చేస్తోంది. జిల్లాలోనూ, ముఖ్యంగా మెట్ట ప్రాంతాల్లో అనేక చోట్ల సాగునీటి కోసం పొలాల్లో బోర్లు తవ్వు కోవడం సాధారణ విషయమే. అయితే, భూగర్భజలాల నీటిమట్టం బాగా పడి పోవడంతో, ఎంత లోతుకు తవ్వినా బోరుకు నీరందకపోవడంతో ఇక చేసేది లేక ఆయా రైతులు ఆ బోర్లగుంతలను అలాగే వదిలేసి వెళ్తుంటారు. చివరికి అవే నరకానికి దారితీస్తుంటాయి. పొరపాటునో గ్రహపాటునో చిన్నపిల్లలెవరైనా కాలుజారి ఆ గుంతలోపడితే.. ప్రాణాల మీద ఆశలు వదులుకోవాల్సిందే. వందల అడుగుల లోతుకు తవ్విన ఆ బోర్లలో పడితే ఎంత ప్రమాదమో ఆ తర్వాత తెలుసుకుని ఎంతగా బోరుమని విలపించినా పోయిన ప్రాణం తిరిగి రాదు. నుక, బోర్లు తవ్వే వారు ఎవరైనా సరే, బోర్లను నిర్లక్ష్యంగా వదిలిపెట్టకుండా, వాటిలో ఎవరూ పడ కుండా పూర్తిగా కట్టుదిట్టం చేయాల్సి

ఉంది. వరికుంటపాడు తదితర మెట్ట ప్రాంత మండలాల్లో సుమారు 3 వందల అడుగుల దాకా తవ్వినా నీళ్ళు రాకపోవ డంతో, పలుచోట్ల ఆ బోర్లగుంతలను పూడ్చకుండా అలాగే వదిలేసినట్లు గ్రామాల్లో వినవస్తోంది. బోర్ల గుంతలపై బండరాళ్ళు పెట్టడమో, గోనెపట్టలు కప్పడమో చేసినా.. అవేమిటో తెలియక పిల్లలు వాటిని తీసేయడం కూడా జరుగు తుంటుంది. వందలాది అడుగుల లోతు తవ్వేసి వదిలేసిన ఆ గుంతలో ఎవరైనా చిన్నపిల్లలు పొరపాటున పడిపోయే ప్రమాదం ఉంది. ముఖ్యంగా పొలాల్లో పనిచేసుకుంటున్న కూలీల పిల్లలు ఈ ప్రమాదాలకు గురయ్యే అవకాశాలు ఎక్కువ. కనుక, జిల్లాలో ఎక్కడా ఇలాంటి ప్రమాదాలు జరగకుండా జిల్లా ఉన్న తాధికారులు పటిష్టమైన చర్యలు తీసు కోవాల్సి ఉంది. బోర్లు తవ్వించుకునే రైతులకు అవగాహన కలిగేవిధంగా చెప్ప డమో, లేదా బోర్లు తవ్వేవారిని హెచ్చరించ డమో చేస్తే తప్ప ఈ సమస్య ఒక పట్టాన కొలిక్కి రాదు. ఎక్కడైనా బోర్ల గుంతలు నిర్లక్ష్యంగా వదిలేసినట్లు కనిపిస్తే ప్రజలు కూడా వెంటనే ఆ సమాచారాన్ని అధికా రులకు తెలియజేసేలా తుఫాన్‌ సెల్‌లాగా శాశ్వత ప్రాతిపదికన బోర్ల సమాచారంపై ఒక సెల్‌ కూడా ఏర్పాటు చేయడం మం చిది. గ్రామస్థాయి సిబ్బంది నుంచి లేదా గ్రామస్తుల నుంచి సమాచారం వచ్చిన వెంటనే ఆ బోరును అధికారులు సంద ర్శించి దాని నుంచి ఎవరికీ ఎలాంటి ప్రమాదం లేకుండా చూడాలి. నిర్లక్ష్యాన్ని.. అలాగే వదిలేస్తే అది చివరికి పసిబిడ్డల ప్రాణాలనే పొట్టనబెట్టుకుంటుంది కనుక, ఇకనైనా తక్షణం బోర్ల గుంతలను పూడ్చి వేసి ఎలాంటి ప్రమాదాలు జరగకుండా నివారించాలని ప్రజలు కోరుతున్నారు. ఎవరు ఎక్కడ బోర్లు తవ్వాలన్నా ముం దుగా అధికారుల అనుమతి తీసుకుని, వాటి వల్ల ఎలాంటి ప్రమాదం జరగ కుండా పటిష్టమైన చర్యలు తీసుకోవాలని, తవ్విన బోర్లను సంబంధిత అధికారులు లేదా సిబ్బంది ఎప్పటికప్పుడు పర్యవేక్షిస్తూ ప్రమాదాలకు తావులేకుండా చర్యలు తీసుకోవాలని ప్రజలు కోరుతున్నారు. జిల్లా వ్యాప్తంగా ఎక్కడెక్కడ బోర్లు తవ్వుతు న్నారో, వాటి పరిస్థితి ఏమిటో ఉన్నతాధి కారులు వెంటనే నివేదిక తెప్పించుకుని అవసరమైన ముందుజాగ్రత్తలు తీసుకో వాలని వారు కోరుతున్నారు. జరగరాని ఘోరం జరిగిపోయాక బోరుమనేకంటే, ముందుగానే అప్రమత్తంగా ఉండడం ఎల్లవేళలా శ్రేయోదాయకం. ఏదేమైనా, బోర్ల తవ్వకం వల్ల ఎక్కడా ఎలాంటి ప్రమాదాలు జరగకుండా చూడాలి. అంతే కాదు, ప్రమాదకరమైన నీటిగుంతలను కూడా గుర్తించి, వాటి వద్ద కూడా ప్రమా దాలు జరగకుండా ప్రమాదసూచికలు, బోర్డులు ఏర్పాటు చేయాలి. గ్రామస్థాయి అధికారులు సిబ్బంది పర్యవేక్షణలో బోర్ల వద్ద, నీటిగుంతల వద్ద అప్రమత్తంగా

ఉండేలా ఏర్పాట్లు చేసి, ప్రమాదాల నివా రణకు ప్రభుత్వం, జిల్లా ఉన్నతాధికారులు శాశ్వతప్రాతిపదికపై చర్యలు తీసుకోవాలని ప్రజలు కోరుతున్నారు.



Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com

newsbottomad

ఎక్కువగా చదివిన వార్తలు

  • తప్పెవరిది?
    నెల్లూరుజిల్లా డిఇఓగా మువ్వా రామలింగం వస్తున్నాడని తెలిసి జిల్లాలో అన్ని ఉపాధ్యాయ సంఘాలు ఆందోళనలు నిర్వహించాయి. మాకీ డిఇఓ వద్దంటూ ఉపాధ్యాయులు నెత్తి నోరు బాదుకుని చెప్పారు. 'పోకిరి' సినిమాలో మహేష్‌బాబు పోలీసు ఆఫీసర్‌ అని తెలిసాక అతని ట్రాక్‌రికార్డు గురించి…
  • దుగరాజపట్నం పోర్టు... చించేసిన చీటీకి పాకులాట!
    మొన్నటిదాకా దుగరాజపట్నం పోర్టు సాధిస్తానంటూ మాజీఎంపీ చింతా మోహన్‌ కలరింగ్‌ ఇచ్చాడు. ఈమధ్య ఆయన సైలంట్‌ అయ్యాడు. తాజాగా తిరుపతి ఎంపి వెలగపూడి వరప్రసాదరావు పోర్టు పాటందుకున్నాడు. పోర్టు సాధన కోసమంటూ మొన్న ఒకరోజు దుగరాజపట్నంలో దీక్ష కూడా చేశాడు. కాని,…
  • 'దేశం'ను వెంటాడుతున్న... గెలుపుగుర్రాల కొరత
    నంద్యాల, కాకినాడలలో గెలుపుతో తెలుగుదేశం వర్గాల్లో ఉత్సాహం ఉరకలెత్తుతున్నా నెల్లూరుజిల్లా తెలుగు దేశం పార్టీలో మాత్రం గెలుపుగుర్రాల కొరత ఆ పార్టీని వెంటాడుతోంది. వైసిపికి బలమైన జిల్లా ఇది. వైకాపాను ధీటుగా ఎదుర్కోవాలంటే గెలుపుగుర్రాల ఎంపికపై పెద్ద ఎత్తునే కసరత్తు చేయాల్సివుంది.…
  • 'కిమ్‌'ను దారికి తెచ్చిన నెల్లూరోళ్ళు
    దూకుడు తగ్గించిన ఉత్తర కొరియా... ఆగిన మిస్సైల్స్‌ ప్రయో గాలు... అంతు తెలియని వ్యాధితో బాధపడుతూ మంచాన పడ్డ ఉత్తర కొరియా అధినేత కిమ్‌... మధ్యప్రాచ్య దేశాలలో వెల్లివిరుస్తున్న శాంతి... తొలగిన యుద్ధభయాలు... కిమ్‌ త్వరగా కోలుకుని సంపూర్ణ ఆరోగ్య వంతుడు…
  • కాంగ్రెస్‌లోనే ఉంటారా?
    రాజకీయాలలో ఆత్మహత్యలు తప్ప హత్యలుండవనేందుకు పెద్ద ఉదాహరణ ఆంధ్రప్రదేశ్‌లో కాంగ్రెస్‌పార్టీకి పట్టిన దుస్థితి. కష్టకాలంలో కూడా కాంగ్రెస్‌పార్టీని ఆదుకున్న రాష్ట్రమిది. 1983లో ఎన్టీఆర్‌ తెలుగుదేశం పార్టీని పెట్టే ముందువరకు కూడా ఈ రాష్ట్రంలో కాంగ్రెస్‌కు ఎదురన్నది లేదు. కాంగ్రెస్‌ను, ఇందిరాగాంధీ కుటుంబాన్ని…

Newsletter