07 July 2017 Written by 

సమర్ధతకు గుర్తింపేది?

mettuఆయన తెలుగుదేశం నాయకుడు... అంతకుముందు ఆయన కాంగ్రెస్సే... కాకపోతే రాష్ట్ర విభజన తర్వాత రాష్ట్రంలో కాంగ్రెస్‌ గల్లంతు కావడంతో ఆయన ఆ పార్టీలో ఉండలేక అధికార తెలుగుదేశంలో చేరిపోయారు. అయితే ఆయన తెలుగుదేశంలో చేరాడన్న మాటేగాని తెలుగుదేశం నాయకులు ఆయనను తమ పార్టీవాడిగా చూస్తున్నట్లు లేదు. వీళ్లు పట్టించుకోకుండా పోవడానికి ఆయన వార్డు స్థాయి నాయకుడో, మండలస్థాయి నాయకుడో కాదు, జిల్లా స్థాయి పదవిలో వున్న నాయకుడు. జిల్లాలోని ప్రతి మండలంతో, ప్రతి గ్రామంలోని రైతుతో సంబంధాలు కలిగివున్న నాయకుడు. ఆయనే జిల్లా కేంద్ర సహకార బ్యాంకు ఛైర్మెన్‌ మెట్టుకూరు ధనుంజయరెడ్డి.

కాంగ్రెస్‌ ప్రభుత్వంలో ఆనం రామనారాయణరెడ్డి ముఖ్యఅను చరుడిగా రాజకీయాల్లోకి వచ్చారు. 2013లో జిల్లా కేంద్ర సహకార బ్యాంకు ఛైర్మెన్‌గా ఎన్నికయ్యారు. 2014 ఎన్నికల తర్వాత ఆనంను కాదనుకుని తెలుగుదేశంలో చేరారు. జిల్లా కేంద్ర సహకార బ్యాంకు ఛైర్మెన్‌గా ఎటువంటి అవినీతి ఆరోపణ లకు ఆస్కారం లేకుండా సమర్ధవంతమైన పాలనను అందిస్తు న్నారు. బ్యాంకులో సంస్కరణలు చేపట్టారు. బ్యాంకును ఆధునీ కరణ పట్టాలెక్కించారు. జిల్లా వ్యాప్తంగా కొత్తబ్రాంచ్‌లతో పాటు రైతులకు సౌకర్యాలు పెంచారు. బ్యాంకు ద్వారా రైతులకు అందించే సేవలను మెరుగుపరిచారు. మెట్టుకూరు ధనుంజయరెడ్డి బ్యాంకు ఛైర్మెన్‌గా పనిచేస్తున్నా అనధికారికంగా తెలుగుదేశం నాయకుడిగా, ఆ పార్టీ పటిష్టత కోసం పనిచేస్తున్నట్లే లెక్క. ఒక ఎంపీ ఏడు అసెంబ్లీల పరిధిలో మాత్రమే పని చేయగలడు. ఒక ఎమ్మెల్యే ఒక అసెంబ్లీ నియోజకవర్గానికే పరిమితం. కాని, జిల్లా కేంద్ర సహకార బ్యాంకు ఛైర్మెన్‌ జిల్లాలోని 10అసెంబ్లీ నియోజకవర్గాల పరిధిలోని రైతులపై ప్రభావం చూపగలడు. అంతే కాదు, రాబోయే సార్వత్రిక ఎన్నికల్లో పార్టీకి అవసరమైన నాయకుడు కూడా! ఇటు సొంత నియోజకవర్గం ఆత్మకూరుతో పాటు పక్క నియోజకవర్గమైన వెంకటగిరిలో కూడా బలం, బంధుత్వం వుంది. ఆర్ధికంగానూ ప్రత్యర్ధిని ఢీకొట్టే సత్తావున్న నాయకుడు. రేపటి అసెంబ్లీ ఎన్నికల్లోనూ చంద్రబాబు వాడుకో దగ్గ ఆయుధం ధనుంజయరెడ్డి.

అధికారికంగానూ, రాజకీయంగానూ ఇంత ప్రాధాన్యతగల పదవిలో వున్న జిల్లా కేంద్ర సహకార బ్యాంకు ఛైర్మెన్‌కు తెలుగు దేశంపార్టీలోనే సరైన ప్రాధాన్యత లభించడం లేదని తెలుస్తోంది. ఇటీవల జరిగిన 'నుడా' ఛైర్మెన్‌ ప్రమాణస్వీకారోత్సవంతో పాటు మినీ మహానాడు కార్యక్రమంలోగాని, పార్టీ పరంగా నిర్వహిస్తున్న పలు కార్యక్రమాలప్పుడు గాని ఏర్పాటు చేస్తున్న ఫ్లెక్సీకటౌట్‌లలో, వాల్‌పోస్టర్‌లలో, పత్రికా ప్రకటనలలో ఆయన ఫోటోను ఎక్కడా వేయడం లేదు. చిన్న చిన్న పదవులున్న నాయకులకు, మాజీలకు ఇస్తున్న ప్రాధాన్యతను కూడా జిల్లా కేంద్ర సహకార బ్యాంకు ఛైర్మెన్‌ హోదాకు ఇస్తున్నట్లుగా లేదు. దీనినిబట్టి చూస్తే తెలుగుదేశం వాళ్ళు ఆయనను తమ పార్టీ నాయకుడిగా కా, ఇంకా కాంగ్రెస్‌ నాయకుడిగానే పరిగణిస్తున్నారేమోననే అనుమానాలొస్తున్నాయి.



Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com Email This email address is being protected from spambots. You need JavaScript enabled to view it.

newsbottomad

ఎక్కువగా చదివిన వార్తలు

  • తప్పెవరిది?
    నెల్లూరుజిల్లా డిఇఓగా మువ్వా రామలింగం వస్తున్నాడని తెలిసి జిల్లాలో అన్ని ఉపాధ్యాయ సంఘాలు ఆందోళనలు నిర్వహించాయి. మాకీ డిఇఓ వద్దంటూ ఉపాధ్యాయులు నెత్తి నోరు బాదుకుని చెప్పారు. 'పోకిరి' సినిమాలో మహేష్‌బాబు పోలీసు ఆఫీసర్‌ అని తెలిసాక అతని ట్రాక్‌రికార్డు గురించి…
  • దుగరాజపట్నం పోర్టు... చించేసిన చీటీకి పాకులాట!
    మొన్నటిదాకా దుగరాజపట్నం పోర్టు సాధిస్తానంటూ మాజీఎంపీ చింతా మోహన్‌ కలరింగ్‌ ఇచ్చాడు. ఈమధ్య ఆయన సైలంట్‌ అయ్యాడు. తాజాగా తిరుపతి ఎంపి వెలగపూడి వరప్రసాదరావు పోర్టు పాటందుకున్నాడు. పోర్టు సాధన కోసమంటూ మొన్న ఒకరోజు దుగరాజపట్నంలో దీక్ష కూడా చేశాడు. కాని,…
  • 'దేశం'ను వెంటాడుతున్న... గెలుపుగుర్రాల కొరత
    నంద్యాల, కాకినాడలలో గెలుపుతో తెలుగుదేశం వర్గాల్లో ఉత్సాహం ఉరకలెత్తుతున్నా నెల్లూరుజిల్లా తెలుగు దేశం పార్టీలో మాత్రం గెలుపుగుర్రాల కొరత ఆ పార్టీని వెంటాడుతోంది. వైసిపికి బలమైన జిల్లా ఇది. వైకాపాను ధీటుగా ఎదుర్కోవాలంటే గెలుపుగుర్రాల ఎంపికపై పెద్ద ఎత్తునే కసరత్తు చేయాల్సివుంది.…
  • 'కిమ్‌'ను దారికి తెచ్చిన నెల్లూరోళ్ళు
    దూకుడు తగ్గించిన ఉత్తర కొరియా... ఆగిన మిస్సైల్స్‌ ప్రయో గాలు... అంతు తెలియని వ్యాధితో బాధపడుతూ మంచాన పడ్డ ఉత్తర కొరియా అధినేత కిమ్‌... మధ్యప్రాచ్య దేశాలలో వెల్లివిరుస్తున్న శాంతి... తొలగిన యుద్ధభయాలు... కిమ్‌ త్వరగా కోలుకుని సంపూర్ణ ఆరోగ్య వంతుడు…
  • కాంగ్రెస్‌లోనే ఉంటారా?
    రాజకీయాలలో ఆత్మహత్యలు తప్ప హత్యలుండవనేందుకు పెద్ద ఉదాహరణ ఆంధ్రప్రదేశ్‌లో కాంగ్రెస్‌పార్టీకి పట్టిన దుస్థితి. కష్టకాలంలో కూడా కాంగ్రెస్‌పార్టీని ఆదుకున్న రాష్ట్రమిది. 1983లో ఎన్టీఆర్‌ తెలుగుదేశం పార్టీని పెట్టే ముందువరకు కూడా ఈ రాష్ట్రంలో కాంగ్రెస్‌కు ఎదురన్నది లేదు. కాంగ్రెస్‌ను, ఇందిరాగాంధీ కుటుంబాన్ని…

Newsletter