07 July 2017 Written by 

అడ్డం తిరిగిన సదావర్తి

hig cour'సదావర్తి'... ఈ పేరును రాష్ట్ర ప్రజలకు కొత్తగా పరిచయం చేయాల్సిన పని లేదు. ఇప్పటికే జనం నోళ్ళలో నానుతోంది. మన రాజకీయ పక్షాలు అలా నానేలా చేసాయి కూడా. చెన్నైకి సమీపంలో 83.11 ఎకరాల సదావర్తి సత్రం భూముల వేలంకు సంబంధించి కీలకమలుపు చోటు చేసు కుంది. సదావర్తి సత్రం భూములపై ఉమ్మడి హైకోర్టు తెలుగుదేశం నాయకు లకు దిమ్మతిరిగే షాకిచ్చింది.

సదావర్తి భూములను వేలం పాటల్లో దక్కించుకున్న మొత్తానికి ఎవరైనా అదనంగా 5కోట్లు చెల్లిస్తే వారికే సదావర్తి భూములను కేటాయిస్తామని రాష్ట్ర ప్రభుత్వం అప్పట్లో సవాల్‌ చేసింది. ఆ సవాల్‌కు మంగళగిరి వైసిపి ఎమ్మెల్యే ఆళ్ల రామకృష్ణారెడ్డి స్పందించారు. దీనిపై హైకోర్టు కెక్కారు. రాష్ట్ర ప్రభుత్వం ప్రకటించినట్లు సదావర్తి భూములకు అదనంగా 5కోట్లు చెల్లించేందుకు తాము సిద్ధంగా వున్నామని హైకోర్టుకు తెలిపారు. ఈ నెల 3వ తేదీన ఆళ్ల పిటిషన్‌ను విచారించిన ధర్మాసనం వేలంపాట మొత్తం 22.44కోట్లకు మరో 5కోట్లను జత చేసి 27.44 కోట్లను నాలుగు వారాల్లోగా చెల్లించి భూములను స్వాధీనం చేసుకోవాలని ఆదేశించింది. రెండు వారాల్లోగా పది కోట్లు జమ చేయాలని ఆదేశించింది. ఒకవేళ అలా నిర్ణీత గడువులోగా చెప్పిన డబ్బు జమ చేయకపోతే పిటిషనర్‌కు కోటి రూపాయల జరిమానా విధించే అవకాశం కూడా వున్నట్లు తెలుస్తోంది.

సదావర్తి భూములపై ఉమ్మడి హైకోర్టు ఇచ్చిన తీర్పుతో ప్రభుత్వ పెద్దలకు దిమ్మ తిరిగినట్లయ్యింది. గుంటూరు జిల్లా అమరావతిలోని అమర లింగేశ్వరస్వామి వారి సదావర్తి సత్రానికి చెందిన ఈ 83.11 ఎకరాల భూములు ఆక్రమణలో ఉన్నాయని చెప్పి గతేడాది మార్చిలో వేలం పాటల ద్వారా అనుయాయులకు కట్టబెట్టారు. మార్కెట్‌ రేటు ప్రకారం అక్కడ ఎకరా 6కోట్లు దాకా పలుకుతోందని. కాని ప్రభుత్వం ఎకరా ధరను 50లక్షలుగా మాత్రమే నిర్ణయించింది. అయితే ప్రభుత్వ పెద్దల స్కెచ్‌తో కొందరు కుమ్మక్కై ఆ భూములకు అంత రేటు పెట్టకుండా ఎకరా ధరను 27లక్షల నూటఎనభై ఎనిమిది రూపాయలుగా నిర్ణయించారు. ఇలా మొత్తం 83.11 ఎకరాలను 22కోట్ల 44లక్షల 12వేల 625 రూపాయలకు కొంతమంది వ్యక్తులు అధికారపార్టీ వారి అండతో దక్కించుకున్నారు. అయితే దీనిపై ప్రతిపక్ష వైకాపా స్పందించింది. వందల కోట్లు విలువ చేసే భూములను నామమాత్రం ధరకే కట్టబెట్టారంటూ పోరాటానికి దిగింది. ముఖ్యంగా మంగళగిరి ఎమ్మెల్యే ఆళ్ల రామకృష్ణారెడ్డి అయితే పట్టు విడవకుండా పోరాడాడు. చివరకు న్యాయపోరాటం ద్వారా తెలుగుదేశం పెద్దలకు చుక్కలు చూపించాడు. రేపు రామకృష్ణారెడ్డి తాను కాని, తన మనుషుల ద్వారా కాని అదనంగా 5కోట్లు చెల్లించి సదావర్తి భూములను విడిపిస్తే తెలుగుదేశం నాయకులు చేతిలో పడ్డ బంగారు బంతి జారిపోయినట్లుగా ఫీల్‌ కావడం ఖాయం.



Lawyer

Sub Editor, Internet Edition , Lawyer Telugu Weekly

Website: www.lawyerteluguweekly.com Email This email address is being protected from spambots. You need JavaScript enabled to view it.

newsbottomad

ఎక్కువగా చదివిన వార్తలు

  • ఉదయగిరిలో... 'రెడ్డి' కోసం 'దేశం' అన్వేషణ
    రాజకీయ చైతన్యానికి పేరుపడ్డ నియోజకవర్గంలో రాజకీయ పార్టీలకు గెలుపు పెద్దసవాల్‌! పార్టీ ప్రభంజనాల కంటే పోటీచేసే అభ్యర్థి ప్రభావమే ఇక్కడ ఓటర్లపై బలంగా వుంటుంది. అభ్యర్థి సమర్ధత, వ్యక్తిత్వాన్ని బట్టే ఇక్కడ గెలు పోటములుంటాయి. గత మూడున్నర దశాబ్దాల రాజకీయ చరిత్రను…
  • 'నిప్పో'కు రైట్‌ రైట్‌
    గత కొద్దికాలంగా రాజకీయ నాయకుల నోళ్ళలో నానుతూ రాజకీయ అంశంగా మారిన 'నిప్పో' పరిశ్రమకు సంబంధించిన 13.02 ఎకరాల భూమి కన్వర్షన్‌కు సంబంధించిన అంశం ఎట్టకేలకు నెల్లూరు నగరపాలక సంస్థ ఆమోదం పొందింది. 12వ తేదీ జరిగిన కార్పొరేషన్‌ కౌన్సిల్‌ సమావేశంలో…
  • ఆ ఒక్కడే వణికిస్తున్నాడు!
    నాలుగు దశాబ్దాల రాజకీయ అనుభవం... ముఖ్యమంత్రిగా 13ఏళ్ళ సర్వీసు... రెండుసార్లు మంత్రి... ఏడుసార్లు ఎమ్మెల్యే... జాతీయ రాజ కీయాలలో గిర్రున చక్రం తిప్పిన నేర్పరితనం... యునైటెడ్‌ ఫ్రంట్‌ కన్వీనర్‌... ఇన్ని వున్న చంద్రబాబునాయుడును నిండా 45ఏళ్ల వయసుండని వై.యస్‌. జగన్మోహన్‌రెడ్డి ముప్పతిప్పలు…
  • 'ఆనం' సరే.. మరి ఆదాల...?
    ఇది నిజంగా ఆశ్చర్యం గొలిపే పరిణామం. నెల్లూరుజిల్లాలో ''ఆనం'' రాజకీయ ప్రస్థానంలో ఇదో అనూహ్య మజిలి. తెలుగుదేశం ఆ తరువాత కాంగ్రెస్‌ మళ్ళీ తెలుగుదేశం ప్రస్తుతం వై.యస్‌.ఆర్‌ కాంగ్రెస్‌పార్టీ. జిల్లాలో 'ఆనం' అంటే బలమైన పేరుంది. ఆనం వర్గం అంటూ వారికి…
  • అమ్మో... దొంగల ముఠా
    కరుడుగట్టిన కిరాతకులు వాళ్ళు... మంచితనం, మానవత్వం ఉండదు... దయ, కరుణ మచ్చుకైనా కానరావు... పిల్లా, పెద్ద అనే తేడా లేదు... ఇంట్లో దూరితే అందర్నీ చంపేయడం, అందినకాడికి దోచుకునిపోవడం... దోచుకున్న ఇంట్లోనే భోం చేయడం, అక్కడే మలమూత్రాలు విసర్జించడం... ఈ ముఠా…

Newsletter