Home గల్పిక అఖిలపక్షంలో ఆనం ప్రతిపాదనకు ఆమోదం

అఖిలపక్షంలో ఆనం ప్రతిపాదనకు ఆమోదం

ఢిల్లీలోని పాలం విమానాశ్రయం. 44మంది అమరజవానుల మృతదేహాల వద్ద భారత ప్రధాని నరేంద్రమోడీ నివాళులర్పిస్తున్నాడు. మృతదేహాల చుట్టూ తిరిగాడు. కన్నీటితో నివాళి అర్పించాడు. ఆయనకు కొంచెం వెనుక వరుసలో హోంమంత్రి రాజ్‌నాథ్‌సింగ్‌, రక్షణ శాఖ మంత్రి నిర్మలా సీతారామన్‌, ఏఐసిసి అధ్యక్షుడు రాహుల్‌గాంధీ, ఢిల్లీ సీఎం అరవింద్‌ కేజ్రీవాల్‌, ఇతర సైనిక అధికా రులు వున్నారు. అందరూ మౌనంగా తలలు దించి నివాళులర్పిస్తున్నారు. ఆ సమయంలో రాహుల్‌గాంధీ ముఖంపై కాంతి పడసాగింది. ఆయన ముఖంలో కొద్దిసేపు టెన్షన్‌… కొద్ది సెకన్లలో మళ్లీ నవ్వు… ముఖంలో రకరకాల ఫీలింగ్స్‌ పెట్టసాగాడు. జవానులకు నివాళులర్పిం చడం అయిపోయాక అక్కడనుండి బయల్దేరబోతూ రాజ్‌నాథ్‌సింగ్‌ రాహుల్‌ వైపు చూశాడు. క్షణక్షణానికి అతని ముఖంలో మారుతున్న ఫీలింగ్స్‌ను గమ నించాడు. ఏమైందబ్బా ఇతనికి… ఈ ఉగ్రదాడి సంఘటన గురించి తెలిసాక షాక్‌కు గురై ఇలాగయ్యాడా అని జాలే సింది. తన చేతుల వైపుకు చూస్తూ నవ్వుకుంటున్న రాహుల్‌గాంధీని గమ నించి… ఆ చేతుల్లో ఏముందా అని చూశాడు. అంతే… ఆయన షాక్‌ తిన్నాడు. రాహుల్‌గాంధీ చేతుల్లో సెల్‌ ఫోన్‌ పట్టుకుని దాంట్లో టామ్‌ అండ్‌ జర్రీ ఆడుకుంటున్నాడు. రాజ్‌నాథ్‌కు అరికాల్లో మండి… ఏంటి రాహుల్‌ ఈ పని, అవతల మనమున్న పరిస్థితేంటి… ఇక్కడ నువ్వు చేస్తున్నదేమిటి…? అని అడిగాడు. దానికి రాహుల్‌… ఇలాంటి టెన్షన్‌లున్నప్పుడే నేను టామ్‌ అండ్‌ జెర్రీ చూస్తుంటాను. టెన్షన్‌ పడి మనం చేసే దేముంది. ముందు శత్రువు మీద ప్రతీకారం ఎలా తీర్చుకోవాలో ఆలో చించండి. రేపు అఖిలపక్షం ఏర్పాటు చేయండి.. కరుడుగట్టిన దేశ భక్తులను తీసుకొస్తాను, ఆ మీటింగ్‌లో మిగతాది మాట్లాడుకుందాం అంటూ వెళ్లిపోయాడు.

—–

పిఎంఓ కార్యాలయంలో అఖిలపక్ష సమావేశం జరుగుతోంది. హోంమంత్రి రాజ్‌నాథ్‌సింగ్‌తో పాటు వివిధ పక్షాలకు చెందిన నితీష్‌కుమార్‌, నవీన్‌ పట్నాయక్‌, మమతా బెనర్జీ, స్టాలిన్‌, చంద్రబాబు, జగన్‌, ఒమర్‌ అబ్దుల్లా, అఖిలేష్‌యాదవ్‌ తదితర నాయకులంతా హాజరయ్యారు. అప్పుడు నితీష్‌కుమార్‌… ఏం రాజ్‌ నాథ్‌జీ ఇక మీటింగ్‌ మొదలుపెడదామా అని అడిగాడు. అందుకు రాజ్‌నాథ్‌… ఓ ఫైవ్‌మినిట్స్‌ వెయిట్‌ చేయండి నితీష్‌జీ… మన రాహుల్‌ రావాలి. ఆయన ఏదో కరుడుగట్టిన దేశభక్తులను సమావేశానికి తీసుకుని వస్తానన్నాడు అని చెప్పాడు. ఆయన అలా అంటుండగానే రాహుల్‌, ఆయన వెనుక నవజ్యోత్‌సింగ్‌ సిద్ధూ, మణిశంకర్‌ అయ్యర్‌, దిగ్విజయ్‌ సింగ్‌లు వచ్చారు. రాహుల్‌ రావడంతో సమావేశం మొదలైంది. పుల్వామా దాడికి పాకిస్థానే కారణం. పాకిస్థాన్‌పై ఎటు వంటి యాక్షన్‌ తీసుకుందామంటారు అని రాజ్‌నాథ్‌సింగ్‌ అడిగాడు. పాకిస్థాన్‌ అనే మాట వినగానే సిద్ధూ తోకతొక్కిన తాచులా లేచాడు. పాకిస్థాన్‌కు ఉగ్రదాడికి ఏం సంబంధం. లేస్తే మీరంతా పాకిస్థాన్‌ మీద పడుతుంటారు. పాకిస్థాన్‌ లాంటి శాంతియుత దేశాన్ని నేనెక్కడా చూడ లేదు. అక్కడంతా శాంతి కాముకులు, గౌతమబుద్ధుని వారసులే..! అలాంటి దేశానికి ఉగ్రవాదం అంటగట్టడానికి మీకు నోరెలా వస్తుందని ఆవేశంగా అరిచాడు. వెంటనే మణిశంకర్‌ అయ్యర్‌ లేచి… నేను ప్రపంచంలో ఎన్నో దేశాలు తిరిగాను. పాకిస్థాన్‌ లాంటి ప్రేమను పంచే దేశాన్ని ఎక్కడా చూడలేదు. అక్కడుండే ప్రేమ మన దేశంలో లేదు. అక్కడ చూపించే అభిమానం మన దేశంలో చూపించరు. అందుకే నాకు పాకిస్థాన్‌ అంటే ఎంతో ఇష్టం. నాకు ప్రేమ, అభిమానం, ఆత్మీయత కావాల్సి వచ్చినప్పుడల్లా పాకిస్థాన్‌కు పోతుంటాను అని చెప్పాడు. ఆ తర్వాత దిగ్విజయ్‌సింగ్‌ లేచి… అసలు ఈ ఉగ్రదాడులన్నింటికి కారణం కాశ్మీర్‌ సమస్యే కదా! మనం కాశ్మీర్‌ను ఆక్రమించుకోబట్టే కదా ఈ సమస్యలన్నీ అని తన అభిప్రాయం చెప్పాడు. అప్పుడు రాజ్‌నాథ్‌సింగ్‌ కోపంగా… రాహుల్‌ అఖిలపక్ష సమా వేశానికి దేశభక్తులను తీసుకొస్తాన న్నావు… ఇంతకీ ఏ దేశ భక్తులను తీసు కొస్తానని నువ్వు చెప్పింది అని అడిగాడు. అందుకు రాహుల్‌… వీళ్ళంతా పాకిస్థాన్‌ దేశ భక్తులు. మా అమ్మ ఇటలీ దేశ భక్తురాలు. నేను ఈ సువిశాల ప్రపంచ ప్రేమికుడిని… నాకు ప్రత్యేకంగా ఒక దేశం అనే భక్తి, నా దేశం అనే పక్షపాతం వుండదు అని చెప్పాడు. దానికి నవీన్‌ పట్నాయక్‌ లేచి… సార్‌, కాంగ్రెసోళ్లు దేశం గురించి ఆలోచించి వుంటే ఇన్ని సమస్యలెందుకు వస్తాయి, వీళ్లను గురించి పక్కన పెట్టండి. పాకిస్థాన్‌కు ఎలా బుద్ధి చెప్పాలో ఆలోచించండి అని అడిగాడు. అప్పుడు రక్షణ మంత్రి సీతారామన్‌… మన వద్ద అత్యాధునిక ఆయుధాలు, బాంబర్లున్నాయి. యుద్ధనౌకలున్నాయి. అణ్వాయుధాలున్నాయి. పాకిస్థాన్‌పై యుద్ధం ప్రకటించి బుద్ధి చెప్పాలనుకుం టున్నాం అంది. అప్పుడు సమావేశం మధ్యలో నుండి… సూదితో పోయేదానికి శూలం దాకా ఎందుకమ్మా… అనే గొంతు వినిపించింది. అందరూ అటువైపు చూశారు. ఆశ్చర్యం… అక్కడ స్టైల్‌ ఆఫ్‌ సింహపురి, మాజీఎమ్మెల్యే ఆనం వివేకా నందరెడ్డి వున్నాడు. ఆయన్ను చూసి అందరూ ఒక్క క్షణం బిత్తరపోయారు. దిగ్విజయ్‌సింగ్‌ ధైర్యం తెచ్చుకుని… మీరు మరణించారు కదా, ఇక్కడికెలా వచ్చారు అని అడిగాడు. అందుకు వివేకా పుల్వామా దాడి పైనున్న నన్ను కూడా కలచివేసింది. దేవేంద్రుడి వద్ద పర్మిషన్‌ తీసుకుని పాక్‌పై ప్రతీకారం తీర్చుకోవ డానికి నావంతు సాయం చేయాలని ఇక్క డకు వచ్చాను. బాంబులు, తుపాకులతో పాకిస్థాన్‌ను దారికి తేలేము. వాడు తీవ్రవాదులను మన దేశంలోకి పం పిస్తూ… మన దేశంలో అలజడులు సృష్టిస్తున్నాడు. మనం కూడా ఉగ్రవాదుల కంటే భయంకరమైన వాటిని వారి దేశంలోకి పంపించి వారికి నిద్రలేకుండా చేయాలి. వాళ్ళ ముందు సమస్యలు సృష్టించాలి. అప్పుడు వాళ్ళు వాటిల్లో పడి మన దేశంలో ఉగ్రదాడులు జర పాలన్న ఆలోచనే లేకుండా వుంటారు అని చెప్పాడు. ఉగ్రవాదులకన్నా భయం కరమైనవి ఏముంటాయి అని రాజ్‌నాథ్‌ సింగ్‌ అడిగాడు. నెల్లూరు మున్సిపల్‌ కార్పొరేషన్‌ ముదురుదోమలు సార్‌…

ఉగ్రవాదులనన్నా ఏరివేయవచ్చు… వీటిని చంపడం కష్టం. ఒకటి చస్తే వంద పుట్టుకొస్తాయ్‌. ఇవి వున్న చోట జనాలు నానారోగాల పాలై, నిద్రకరువై అశాం తితో అల్లాడిపోవాల్సిందే! ముందు పది టన్నుల ఐఆర్‌ 20-420 నెల్లూరు మున్సిపల్‌ కార్పొరేషన్‌ ముదురుదోమలను పాకిస్థాన్‌లోకి వదులుదామని ప్రతి పాదించాడు. అందరూ దీనికి సమ్మ తించగా మమతా బెనర్జీ మాత్రం అది అన్యాయం… దుర్మార్గం. మానవత్వం లోపించిన అమానుషం… వాళ్ళు చేసిన చిన్నతప్పుకు ఇంతపెద్ద శిక్ష వేస్తారా అని కేకలు వేయసాగింది.

LEAVE A REPLY

Please enter your comment!
Please enter your name here